MOLSW NEWS

ລາວ-ເກົາຫຼີ ຮວ່ມມືໃນການຈັດສົ່ງຜູ້ອອກແຮງງານລາວໄປເຮັດວຽກຢູ່ ສ.ເກົາຫຼີ ຕາມລະດູການ.

04-03-2025, 12:18 68

ລາວ-ເກົາຫຼີ ຮວ່ມມືໃນການຈັດສົ່ງຜູ້ອອກແຮງງານລາວໄປເຮັດວຽກຢູ່ ສ.ເກົາຫຼີ ຕາມລະດູການ.

.................................

https://scontent.fvte6-1.fna.fbcdn.net/v/t39.30808-6/481166369_606192892175113_4960247300127943741_n.jpg?_nc_cat=111&ccb=1-7&_nc_sid=aa7b47&_nc_eui2=AeGISQNpeb98mq2BXJqJxqt1EcUQJPH14zoRxRAk8fXjOicOtYn6MN_ni84eRzvr8Hhwhdp_zNUyxguWfQaJ6amm&_nc_ohc=WWA6XH-hRj4Q7kNvgFWzJ5Y&_nc_oc=Adg6kQR2kHRTOeKNwIUbdd0niVQliqjhP1b2A76NYltQcNzIN1ez0N3NWZwceIta4hc&_nc_zt=23&_nc_ht=scontent.fvte6-1.fna&_nc_gid=AhEZZkTK-SjW-Y5Oi08y7d3&oh=00_AYBOnuijp7HvQwR1_G_NwIVxULFA2DLALe0dc5m_eUzjnw&oe=67CC6125

ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ຕ້ອນຮັບການເຂົ້າຢຽ້ມຂຳ່ນັບຂອງ ທ່ານ ho Do Chang, ເຈົ້າເມືອງ ຢອງ່ຢາງ, ສ.ເກົາຫຼີຶ, ພ້ອມຄະນະ. ໃນວັນທີ ມັງກອນ 2025ທີ່ກະຊວງ ຮສສ. ໂອກາດມາເຄື່ອນໄຫວຢຽ້ມຢາມ ແລະ ເຮັດວຽກ ຢູ່ ສປປ ລາວ.

ເພື່ອເປັນການຍົກສູງຄຸນະພາບຂອງການຜະລິດກະສິກໍາ ເພື່ອສະໜອງພາຍໃນປະເທດໃຫ້ພຽງພໍ ແລະ ກ້າວໄປເຖິງການສົ່ງອອກຜະລິດຕະພັນກະສິກໍາໄປປະເທດຕ່າງໆ, ລັດຖະບານ ສປປ ລາວ ມີນະໂຍບາຍ ແລະ ໃຫ້ຄວາມສໍາຄັນ ໃນການສົ່ງເສີມປະຊາຊົນຜູ້ທີ່ປະກອບອາຊີບກະສິກໍາ ໂດຍສະເພາະຜູ້ທີ່ອາໃສໃນຂົງເຂດຊົນນະບົດ ໃຫ້ມີໂອກາດໃນການເຂົ້າເຖິງການພັດທະນາສີມືແຮງງານ ແລະ ນໍາໃຊ້ເຕັກໂນໂລຊີ ທີ່ທັນສະໄໝເຂົ້າໃນການຜະລິດກະສິກໍາ ຊຶ່ງແນ່ນອນວ່າ ສ.ເກົາຫຼີ ກໍ່ແມ່ນເປົ້າໝາຍໜຶ່ງທີ່ສໍາຄັນທີ່ລັດຖະບານ ສປປ ລາວ ມີເຈດຈໍານົງໃນການຮ່ວມມືໃນຫຼາຍໆດ້ານ ລວມທັງການຈັດສົ່ງແຮງງານລາວໄປເຮັດວຽກໃນຂົງເຂດກະສິກໍາ ເພື່ອຖ່າຍທອດເອົາຄວາມຮູ້ ແລະ ປະສົບການ ຂອງຊາວກະສິກອນ ສ.ເກົາຫຼີ ເພື່ອມາພັດທະນາບ້ານເກີດເມືອງນອນຂອງເຂົາເຈົ້າ.

ຕໍ່ມາໄດ້ມີ ພິທີເຊັນບົດບັນທຶກຄວາມເຂົ້າໃຈວ່າດ້ວຍການຈັດສົ່ງຜູ້ອອກແຮງງານລາວໄປເຮັດວຽກຢູ່ ສ.ເກົາຫຼີ ຕາມລະດູການ ລະຫວ່າງ ກົມການຈັດຫາງານ ກະຊວງແຮງງານ ແລະ ສະຫວັດດີການສັງຄົມ(ຮສສ) ແລະ ກັບ ເມືອງ ຢ່ອງຢາງ ສ.ເກົາຫຼີ. ຕາງໜ້າເຊັນໂດຍ ທ່ານ ນາງ ອານຸສອນ ຄຳສິງສະຫວັດ ຫົວໜ້າກົມການຈັດຫາງານ ກະຊວງຮສສ ແລະ ທ່ານ ho Do Chang, ເຈົ້າເມືອງ ຢອງ່ຢາງ, ສ.ເກົາຫຼີ, ມີບັນດາຮອງກົມ, ຫົວໜ້າພະແນກ, ຮອງພະແນກ, ວິຊາການ ຂອງ ກົມການຈັດຫາງານ ພ້ອມຄະນະຜູ້ແທນຈາກພາກສ່ວນກ່ຽວຂ້ອງເຂົ້າຮ່ວມ.

ພິທີດັ່ງກ່າວ, ຫົວໜ້າກົມການຈັດຫາງານ ກະຊວງຮສສ ໄດ້ກ່າວລາຍງານ ໃນການຈັດສົ່ງແຮງງານລາວໄປເຮັດວຽກຕາມລະດູການທີ່ ຢູ່ບັນດາເມືອງ ຂອງ ປະເທດ ສ.ເກົາຫລີ ລວມທັງ ເມືອງຢ່ອງຢ່າງ ໃນປີນີ້ ແມ່ນຕ້ອງການແຮງງານລາວ ຈຳນວນ 70 ຄົນ . ເຂົ້າບັນຈຸໃນບັນດາຟາມ ເພື່ອປັບປຸງບັນດານະໂຍບາຍດ້ານສະຫວັດດີການຕ່າງໆໃຫ້ແຮງງານລາວທີ່ໄປເຮັດວຽກຢູ່ເມືອງດັ່ງກ່າວໄດ້ຮັບຜົນປະໂຫຍດສູງສຸດ ແລະ ສອງຝ່າຍຍັງໄດ້ພ້ອມກັນຫາວິທີທາງແກ້ໄຂບັນແຮງງານໂຕນໜີ, ເຊິ່ງເປັນຫາຫາສຳຄັນຫລາຍ. ເຖິງຢ່າງໃດການຮວ່ມມືຄັ້ງນີ້ຖືວ່າຈະເປັນບາດກ້າວສໍາຄັນ ແລະ ສ້າງຜົນປະໂຫຍດໃຫ້ແກ່ສອງຝ່າຍ. ສໍາລັບ ແຮງງານຂອງ ສປປ ລາວ ກໍ່ຈະໄດ້ຮັບການພັດທະນາສີມືແຮງງານ ແລະ ມ່ີລາຍຮັບໃຫ້ແກ່ຕົນແຮງງານເອງ ແລະ ຄອບຄົວ ພ້ອມທັງຈະຊ່ວຍຊຸກຍູ້ການຂະຫຍາຍຕົວຂອງເສດຖະກິດ ຂອງ ສປປ ລາວ ພ້ອມທັງເຮັດໃຫ້ຊາວກະສິກອນ, ເຈົ້າຂອງບັນດາຟາມ ພາຍໃນ ເມືອງ ຢ່ອງຢາງ ກໍ່ຈະມີແຮງງານເຂົ້າຮັບໃຊ້ການຜະລິດກະສິກໍາໃຫ້ຫຼາຍຂຶ້ນ . ສະນັ້ນ, ກົມການຈັດຫາງານ ຈຶ່ງໄດ້ປະສານງານກັບຜູ້ຮັບຜິດຊອບ ວຽກງານການຈັດສົ່ງແຮງງານຕາມລະດູການ ຂອງ ເມືອງ ດັ່ງກ່າວໂດຍຜ່ານລະບົບເອເລັກໂຕນິກ ຊຶ່ງທັງສອງຝ່າຍໄດ້ແລກປ່ຽນຄໍາຄິດຄໍາເຫັນ ຕໍ່ຮ່າງບົດບັນທຶກການຮ່ວມມື ແລະ ສາມາດເປັນເອກະພາບຕໍ່ເນື້ອໃນຂອງຮ່າງບົດບັນທຶກການຮ່ວມມື ຮ່ວມກັນ ຊຶ່ງນໍາມາສູ່ພິທີການເຊັນສັນຍາຮ່ວມກັນໃນມື້ນີ້.

ລາວ-ເກົາຫຼີ ຮວ່ມມືໃນການຈັດສົ່ງຜູ້ອອກແຮງງານລາວໄປເຮັດວຽກຢູ່ ສ.ເກົາຫຼີ ຕາມລະດູການ.

ຂ່າວສານອື່ນໆ

ຂ່າວໃໝ່

ລາວ-ເກົາຫຼີ ຮວ່ມມືໃນການຈັດສົ່ງຜູ້ອອກແຮງງານລາວໄປເຮັດວຽກຢູ່ ສ.ເກົາຫຼີ ຕາມລະດູການ.

Shares On Social

ຂ່າວສານອື່ນໆ