MOLSW NEWS

ມອບ-ຮັບ ເຂົ້າສານ 900 ກວ່າໂຕນ ຕອບໂຕ້ໄພພິບັດຢູ່ລາວ.

14-11-2024, 10:32 29

ມອບ-ຮັບ ເຂົ້າສານ 900 ກວ່າໂຕນ ຕອບໂຕ້ໄພພິບັດຢູ່ລາວ.

.................

https://scontent.fvte6-1.fna.fbcdn.net/v/t39.30808-6/465745539_527619976699072_7374085023117590263_n.jpg?_nc_cat=110&ccb=1-7&_nc_sid=833d8c&_nc_eui2=AeEsFOI2uLKR3rqOJZaho3eYw1uqU1hmSyrDW6pTWGZLKjsTEGvDD1NfjOz7ygNNKE1f7yM1vFjoMVkYBhdkHfO5&_nc_ohc=Kr5bQVJgIVYQ7kNvgGaILFW&_nc_zt=23&_nc_ht=scontent.fvte6-1.fna&_nc_gid=A6_Dci-YHO5mkMxXpduG6Cb&oh=00_AYBu8Xga96HRKDKG-PTtBUUswpL8uYkZ6HBsduUFFR7ruA&oe=673B3684

ພິທີ ມອບ-ຮັບ ເຂົ້າສານ ຈາກລັດຖະບານ ສປ ຈີນ 300 ໂຕນ, ຍີ່ປຸ່ນ 200 ໂຕນ ແລະ ສ ເກົາຫລີ 400 ໂຕນ, ລວມທັງໝົດ 902 ໂຕນ ຜ່ານໂຄງການຄັງແຮເຂົ້າສຸກເສີນອາຊຽນ+3 ເພື່ອຕອບໂຕ້ໄພພິບັດຢູ່ ສປປ ລາວ ຈັດຂຶ້ນໃນວັນທີ 7 ພະຈິກ 2024 ຕາງໜ້າມອບໂດຍ ທ່ານ ຈອງ ຢອງຊູ ເອກອັກຄະຣາຊະທູດ ສ ເກົາຫລີ ປະຈໍາ ລາວ, ທ່ານ ໂຄອີຊຸມິ ຊືໂຕະມູ ເອກອັກຄະຣາຊະທູດຍີ່ປຸ່ນ ປະຈໍາ ລາວ ແລະ ທ່ານ ລຽງ ຕ້າຈົ່ງ ທີ່ປຶກສາການເມືອງສະຖານທູດ ສປ ຈີນ ປະຈໍາ ລາວ ແລະ ຕາງໜ້າຮັບໂດຍ ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໂດຍມີ ພາກສ່ວນທີ່ກ່ຽວຂ້ອງ ເຂົ້າຮ່ວມ ເປັນສັກຂີພິຍານ.

ໂອກາດດັ່ງກ່າວ, ທ່ານ ນາງ ໃບຄຳ ຂັດທິຍະ ໄດ້ສະແດງຄວາມຂອບໃຈ ແລະ ຕີລາຕາສູງຕໍ່ 3 ປະເທດດັ່ງກ່າວ ທີ່ເຫັນໄດ້ຄວາມສຳຄັນ ໃນການປະກອບສ່ວນຊ່ວຍເຫລືອ ຕອບໂຕ້ໄພພິບັດ ຢູ່ ສປປ ລາວ ໃນຄັ້ງນີ້, ພ້ອມທັງຢືນຍັງວ່າ ຈະນຳເອົາເຂົ້າກິນດັ່ງກ່າວ, ໄປຊ່ວຍເຫລືອຟື້ນຟູຫລັງໄພພິບັດ ໃຫ້ເກີດປະໂຫຍດສູງສຸດ ກໍຄື ຊ່ວຍເຫລືອປະຊາຊົນ ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ ຢ່າງທົ່ວເຖິງ. ພ້ອມນີ້, ຍັງຈະໃຫ້ປະຊາຊົນ ເຫັນໄດ້ເຖິງການຊ່ວຍເຫລືອຂອງລັດຖະບານ ສປ ຈີນ, ຍີ່ປຸ່ນ ແລະ ສ ເກົາຫລີ ທີ່ມີຕໍ່ລັດຖະບານ ສປປ ລາວ ຕະຫລອດມາ.

ທ່ານ ນາງ ໃບຄຳ ຂັດທິຍະ ກ່າວອີກວ່າ: ໃນປີ 2024 ນີ້, ສປປ ລາວ ໄດ້ຮັບຜົນກະທົບຈາກພາຍຸພະພິລູນ (Prapiroon), ພາຍຸຢາກິ (YAGI) ແລະ ພາຍຸຊູລິກ (SOULIK) ທີ່ພັດຜ່ານເຂົ້າ ສປປ ລາວ ສົ່ງຜົນກະທົບໂດຍກົງຕໍ່ກັບບັນດາແຂວງພາກເໜືອ, ພາກກາງ ແລະ ພາກໃຕ້ ຢູ່ 16 ແຂວງໃນຂອບເຂດທົ່ວປະເທດ ໄດ້ສົ່ງຜົນກະໂດຍກົງຕໍ່ພື້ນຖານໂຄງລ່າງ, ພື້ນທີ່ທໍາການຜະລິດ ແລະ ຊີວິດການເປັນຢູຂອງປະຊາຊົນ 133 ເມືອງ, 1.462 ບ້ານ, 54.108 ຄອບຄົວ, ຈໍານວນພົນ 255.023 ຄົນ, ຍິງ 116.545 ຄົນ, ບາດເຈັບ 32 ຄົນ, ເສຍຊີວິດ 12 ຄົນ ແລະ ສູນຫາຍ 1 ຄົນ, ລວມມູນຄ່າເສຍຫາຍທັງໝົດ 6 ພັນກວ່າຕື້ ກີບ ຫລື ປະມານ 300 ລ້ານກວ່າໂດລາສະຫະລັດ.

ກົມຄຸ້ມຄອງແຮງງານ ກະຊວງ ແຮງງານ ແລະ ສະຫວັດດີການສັງຄົມ ຮ່ວມກັບ ອົງການ ບໍລິການຈ້າງງານ ແລະ ແຮງງານ ຂອງ ສ.ເກົາຫຼີ ຈັດຝຶກອົບຮົມເພື່ອສ້າງຂີດຄວາມເຂັ້ມແຂງໃຫ້ເຈົ້າໜ້າທີ່ກວດກາ ແຮງງານ ແລະ ອົງການ 3 ຝ່າຍ

14-11-2024, 10:27 49

ມອບ-ຮັບ ເຂົ້າສານ 900 ກວ່າໂຕນ ຕອບໂຕ້ໄພພິບັດຢູ່ລາວ.

ຂ່າວສານອື່ນໆ

ຂ່າວໃໝ່

ມອບ-ຮັບ ເຂົ້າສານ 900 ກວ່າໂຕນ ຕອບໂຕ້ໄພພິບັດຢູ່ລາວ.

Shares On Social

ຂ່າວສານອື່ນໆ