MOLSW NEWS

ສຳມະນາກ່ຽວກັບແຮງງານເຄື່ອນຍ້າຍໃນອາຊຽນຄັ້ງທີ 17. .....................

14-11-2024, 10:36 24

ສຳມະນາກ່ຽວກັບແຮງງານເຄື່ອນຍ້າຍໃນອາຊຽນຄັ້ງທີ 17.

.....................

ກອງປະຊຸມສຳມະນາກ່ຽວກັບແຮງງານເຄື່ອນຍ້າຍໃນອາຊຽນຄັ້ງທີ 17 (17th AFML) ໄດ້ຈັດຂຶ້ນໃນລະຫວ່າງວັນທີ 13-14 ພະຈິກ 2024 ທີ່ໂຮງແຮມຄຣາວພລາຊາ, ນະຄອນຫຼວງວຽງຈັນ ໂດຍການເຂົ້າຮ່ວມ ແລະ ກ່າວເປີດກອງປະຊຸມຂອງທ່ານ ພົງໄຊສັກ ອິນຖາລາດ ຮອງລັດຖະມົນຕີ ກະຊວງແຮງງານງານ ແລະ ສະຫວັດດີການສັງຄົມ (ຮສສ), ໂດຍມີຜູ້ເຂົ້າຮ່ວມປະກອບມີ: ກະຊວງ ຮສສ, ຕາງໜ້າອົງການຜູ້ອອກແຮງງານ, ຕາງໜ້າອົງການຜູ້ໃຊ້ແຮງງານ ແລະ ອົງການຈັດຕັ້ງທາງສັງຄົມ ຈາກປະເທດສະມາຊິກອາຊຽນ, ປະເທດຕີມໍເລສເຕ ໃນນາມຜູ້ສັງເກດການ, ກອງເລຂາອາຊຽນ, ອົງການຈັດຕັ້ງສາກົນ ແລະ ຄູ່ຮ່ວມພັດທະນາ.

https://scontent.fvte6-1.fna.fbcdn.net/v/t39.30808-6/466837022_531260156335054_2843644608812649639_n.jpg?_nc_cat=104&ccb=1-7&_nc_sid=833d8c&_nc_eui2=AeFrB8LZaDgR0vnm76IhY0tQXHTv5AN_VUhcdO_kA39VSIxgDxRtt4WCXd4MEKuAYDqlswX-j5h7GUq0A1RY2mHy&_nc_ohc=hYI3n3cCbNkQ7kNvgHOYo9E&_nc_zt=23&_nc_ht=scontent.fvte6-1.fna&_nc_gid=AWCFzmFXDJDZGcm0H3PoK65&oh=00_AYDZzzJtjJHCCmCuA_4Yy7jzMDfN-udXDse7kCaPD1mBsA&oe=673B3F67

ທ່ານ ພົງໄຊສັກ ອິນຖາລາດ ໄດ້ກ່າວວ່າ: ກອງປະຊຸມຄັ້ງນີ້ພາຍໃນຫົວຂໍ້ “ວຽກງານເບິ່ງແຍງດູແລ ແລະ ການເຄື່ອນຍ້າຍແຮງງານໃນອາຊຽນ” ໄດ້ກໍານົດ 2 ຫົວຂໍ້ຍ່ອຍ ຄື: ຕອບສະໜອງຄວາມຕ້ອງການໃນວຽກງານເບິ່ງແຍງດູແລ ຜ່ານການເຄື່ອນຍ້າຍແຮງງານ ແລະ ເພີ່ມທະວີການປົກປ້ອງ ແລະ ສົ່ງເສີມສິດທິຂອງຜູ້ອອກແຮງງານເຄື່ອນຍ້າຍເບິ່ງແຍງດູແລ, ເວທີສຳມະນາກ່ຽວກັບແຮງງານເຄື່ອນຍ້າຍໃນອາຊຽນ ຄັ້ງທີ 17 ປະກອບດ້ວຍ: ການທົບທວນຄືນການຈັດຕັ້ງປະຕິບັດບັນດາຄຳແນະນຳກ່ຽວກັບແຮງງານເຄື່ອນຍ້າຍໃນອາຊຽນໃນໄລຍະຜ່ານມາ, ການນຳສະເໜີກ່ຽວກັບບົດຮຽນໃນການຈັດຕັ້ງປະຕິບັດວຽກງານເບິ່ງແຍງດູແລ, ເເບ່ງກຸ່ມປຶກສາຫາລື ແລະ ແລກປ່ຽນ ເພື່ອສ້າງເປັນຄຳແນະນຳຈາກເວທີສຳມະນາກ່ຽວກັບແຮງງານເຄື່ອນຍ້າຍໃນອາຊຽນ ຄັ້ງທີ 17 ໂດຍປະເທດສະມາຊິກອາຊຽນ, ອົງການຈັດຕັ້ງສາກົນ ແລະ ອົງການຈັດທາງສັງຄົມ, ຈຸດປະສົງເພື່ອລາຍງານປຶກສາຫາລື ແລະ ແລກປ່ຽນຄວາມຄິດເຫັນກ່ຽວກັບວຽກເບິ່ງແຍງດູແລ ແລະ ເຄື່ອນຍ້າຍແຮງງານໃນອາຊຽນ ເພື່ອແນະນຳກ່ຽວກັບວຽກເບິ່ງແຍງດູແລ ແລະ ເຄື່ອນຍ້າຍແຮງງານໃນອາຊຽນ ຈາກເວທີສຳມະນາເພື່ອເປັນພື້ນຖານໃຫ້ແກ່ຄະນະກຳມະການຈັດຕັ້ງປະຕິບັດຖະແຫຼງການອາຊຽນວ່າດ້ວຍການປົກປ້ອງ ແລະ ສົ່ງເສີມສິດທິຂອງຜູ້ອອກແຮງງານເຄື່ອນຍ້າຍ ນຳໄປຜັນຂະຫຍາຍ.

ທ່ານພົງໄຊສັກ ອິນຖາລາດໄດ້ກ່າວວ່າ: ການເພີ່ມຂຶ້ນຂອງຜູ້ອາຍຸສູງຢູ່ບັນດາປະເທດພັດທະນາ ສົ່ງຜົນເຮັດໃຫ້ຂາດແຂນແຮງງານ ໂດຍສະເພາະຜູ້ອອກແຮງງານໃນຂົງເຂດເບິ່ງແຮງງານດູແລ. ໃນປີ 2015 ທົ່ວໂລກຕ້ອງການຜູ້ເບິ່ງແຍງຜູ້ສູງອາຍຸຫຼາຍກວ່າ 110 ລ້ານຄົນ ແລະ ຮອດປີ 2030 ຕ້ອງການປະມານ 163 ລ້ານຄົນ ແລະ ໃນອາຊີ ຜູ້ອາຍຸສູງເພີ່ມຂຶ້ນຈາກ 3.7 ສ່ວນຮ້ອຍໃນປີ 2015 ເປັນ 4.9 ສ່ວນຮ້ອຍໃນປີ 2030. ສະນັ້ນ, ເພື່ອເປັນການສົ່ງເສີມການເຄື່ອນຍ້າຍແຮງງານໃນຂົງເຂດເບິ່ງແຍງດູເເລ ປະເທດຮັບຕ້ອງເອົາໃຈໃສ່ໃນການສ້າງເງື່ອນໄຂດຶງດູດຜູ້ອອກແຮງງານເຄື່ອນຍ້າຍໃນຂົງເຂດເບິ່ງແຍງດູເເລ ໃນຄະນະດຽວກັນ ປະເທດສົ່ງຕ້ອງສ້າງເງື່ອນໄຂສະດວກໃຫ້ແກ່ເຄື່ອນຍ້າຍ ລວມທັງຮັບປະກັນດ້ານຄຸນນະພາບຂອງຜູ້ເບິ່ງແຍງດູເເລ. ດັ່ງນັ້ນ, ບັນດາຄໍາແນະນໍາ ຈາກເວທີສຳມະນາກ່ຽວກັບແຮງງານເຄື່ອນຍ້າຍໃນອາຊຽນ ຄັ້ງທີ 17 (17th AFML) ຈະກາຍເປັນອົງປະກອບທີ່ສຳຄັນໃຫ້ແກ່ການປັບປຸງ ແລະ ພັດທະນານະໂຍບາຍກ່ຽວກັບວຽກງານເບິ່ງແຍງດູແລໃນລະດັບປະເທດ, ໃນກອບການຮ່ວມມືສອງຝ່າຍ ແລະ ພາກພື້ນ ໂດຍຫັນເປັນແຜນງານ, ໂຄງການ ແລະ ກິດຈະກຳ ເພື່ອສ້າງເງື່ອນໄຂສະດວກ ແລະ ປົກປ້ອງຜູ້ເບິ່ງແຍງດູເເລ ບົນພື້ນຖານຖະແຫຼງການອາຊຽນວ່າດ້ວຍການປົກປ້ອງ ແລະ ສົ່ງເສີມສິດທິຂອງຜູ້ອອກແຮງງານເຄື່ອນຍ້າຍ.

(ຂ່າວສານຮສສ)

ສຳມະນາກ່ຽວກັບແຮງງານເຄື່ອນຍ້າຍໃນອາຊຽນຄັ້ງທີ 17. .....................

ຂ່າວສານອື່ນໆ

ຂ່າວໃໝ່

ສຳມະນາກ່ຽວກັບແຮງງານເຄື່ອນຍ້າຍໃນອາຊຽນຄັ້ງທີ 17. .....................

Shares On Social

ຂ່າວສານອື່ນໆ