MOLSW NEWS

ກະຊວງ ຮສສ ຈັດກອງປະຊຸມຄົບຄະນະເປີດກ້ວາງ ຄັ້ງທີ 5 ສະໄໝທີ VI ຂອງອົງຄະນະພັກກະຊວງ .

04-03-2025, 11:21 33

ກະຊວງ ຮສສ ຈັດກອງປະຊຸມຄົບຄະນະເປີດກ້ວາງ ຄັ້ງທີ 5 ສະໄໝທີ VI ຂອງອົງຄະນະພັກກະຊວງ .

...........................................

https://scontent.fvte1-2.fna.fbcdn.net/v/t39.30808-6/481330362_606188878842181_2712156952070583329_n.jpg?_nc_cat=108&ccb=1-7&_nc_sid=aa7b47&_nc_eui2=AeE82Pu6cLu2CayeUH8hDd7FrdsZwqf6F2et2xnCp_oXZ3iriW9UUF4Bd5gHaANBzXpdiuJh8_-EsojrNGZF6spu&_nc_ohc=g4S8amgLxZ8Q7kNvgFJ3pZP&_nc_oc=AdjlGP7NrIj8881LTt52k99j2mlX7HQsNTCdnPJieVlfD87y9MiXtLHheNN86ah6IVI&_nc_zt=23&_nc_ht=scontent.fvte1-2.fna&_nc_gid=AsoONKxKdQB-9Gb5gQU-CFO&oh=00_AYAoxDUMwS0GHmWk55y5orohRFdDX8B6qa3JUdxApku-cA&oe=67CC4F80

ເພື່ອເປັນການສືບຕໍ່ຈັດຕັ້ງຜັນຂະຫຍາຍ ແລະ ປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກະຊວງຮສສ ໂດຍສະເພາະ ແມ່ນການຈັດຕັ້ງປະຕິບັດມະຕິກອງປະຊຸມຄົບຄະນະເປີດກ້ວາງຄັ້ງທີ 4 ສະໄໝ VI ຂອງອົງຄະນະພັກກະຊວງແລະ ແຜນພັດທະນາວຽກງານແຮງງານ ແລະ ສະຫວັດດີການສັງຄົມ ປະຈຳປີ 2024, ກະຊວງ ຮສສ. ໄດ້ຈັດກອງປະຊຸມຄົບຄະນະເປີດກ້ວາງ ຄັ້ງທີ 5 ສະໄໝທີ VI ຂອງອົງຄະນະພັກກະຊວງ ຮສສ ປີ 2024. ໃນລະຫວ່າງ ວັນທີ 16-17 ມັງກອນ2025ທີ່ກະຊວງຮສສ. ພາຍໃຕ້ການເປັນປະທານຂອງ ສະຫາຍ ນ ໃບຄຳ ຂັດທິຍະ ເລຂາຄະນະພັກກະຊວງແຮງງານ ແລະ ສະຫວັດດີການສັງຄົມ(ຮສສ);ໂດຍມີບັນດາສະຫາຍຄະນະປະຈໍາພັກ ແລະ ບັນດາສະຫາຍກໍາມະການຄະນະບໍລິຫານງານພັກກະຊວງ;ບັນດາສະຫາຍຄະນະໜ່ວຍພັກ,ສະຫາຍສະມາຊິກພັກພະນັກງານນໍາພາ-ຄຸ້ມຄອງຫຼັກແຫຼ່ງ ເຂົ້າຮວ່ມຢ່າງພ້ອມພຽງ.

ກອງປະຊຸມດັ່ງກ່າວຍັງໄດ້ພ້ອມກັນ ທົບທວນຄືນຜົນສໍາເລັດໃນການຈັດຕັ້ງປະຕິບັດບັນດາຄາດໝາຍສູ້ຊົນ ແລະ ວຽກຈຸດສູມ ຂອງອົງຄະນະພັກກະຊວງ ພ້ອມກັບການຕິລາຄາດ້ານດີ, ດ້ານຕັ້ງໜ້າ, ສີ່ງທ້າທາຍ ແລະ ບາງບົດຮຽນທີ່ຖອດຖອນ ໃນໄລຍະ 01 ປີຜ່ານມາ, ພ້ອມນີ້ຍັງໄດ້ເບີ່ງຄືນບັນດາແຜນການ, ຄາດໝາຍສູ້ຊົນໃນ 01 ປີຕໍ່ໜ້າ ເຊິ່ງເປັນປີມ້ວນທ້າຍ ຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກະຊວງ ແລະ ແຜນພັດທະນາວຽກງານແຮງງານ ແລະ ສະຫວັດດີການສັງຄົມ 5 ປີຄັ້ງທີ Vເພື່ອກ້າວສູ່ການຈັດຕັ້ງປະຕິບັດໃຫ້ເປັນຮູບປະທໍາສໍາເລັດຕາມຄາດໝາຍ. ກອງປະຊຸມ ສະຫານ ລີປາວຢ່າງຄະນະປະຈຳພັກກະຊວງ ຍັງໄດ້ຂື້ນຜ່ານຮ່າງບົດສະຫຼຸບຕີລາຄາການຊີ້ນໍາ-ນໍາພາຂອງອົງຄະນະພັກກະຊວງຮສສ ປະຈຳປີ2024 ແລະ ທິດທາງແຜນການຈຸດສູມປີ 2025; ສັງລວມ ການຈັດຕັ້ງປະຕິບັດມະຕິ 11 ຂອງພັກ ແລະ ມະຕິ 6 ຂອງຄະນະພັກ; ຜ່ານຮ່າງບົດສໍາຫຼວດການໍາພາລວມຂອງຄະນະພັກ ປະຈໍາປີ 2024; ພ້ອມນີ້ບັນດາສະຫາຍທີ່ເຂົ້່ຮວ່ມຍັງໄດ້ປະກອບຄໍາເຫັນຕໍ່ຮ່າງບົດສະຫຼຸບຕີລາຄາການຊີ້ນໍາ-ນໍາພາຂອງອົງຄະນະພັກກະຊວງຮສສປະຈຳປີ2024ແລະທິດທາງແຜນການຈຸດສູມປີ2025 ແລະບົດສໍາຫຼວດການນໍາພາລວມ ນຳອີກ.

ກອງປະຊຸມຄັ້ງນີ້, ສະຫາຍ ນ ໃບຄຳ ຂັດທິຍະ ເລຂາຄະນະພັກກະຊວງ ຮສສ ຍັງໄດ້ມີຄຳເຫັນກ່າວເປີດວ່າ: ຕໍ່ກັບສະພາບການຂອງພາກພື້ນ ແລະ ສາກົນ ຍັງສືບຕໍ່ມີການຜັນແປຢ່າງສະລັບຊັບຊ້ອນ,ຊຶ່ງພວກເຮົາ ກໍ່ຄາດຄະເນໄດ້ຍາກ ວ່າໃນຕໍ່ໜ້າຈະເກີດຫັຍງຂື້ນ, ສໍາລັບພາຍໃນປະເທດ ຂອງພວກເຮົາປະຈຸບັນນີ້ ທີ່ພວມປະເຊີນກັບວິກິດການທາງດ້ານເສດຖະກິດ-ການເງິນ ທີ່ໄດ້ຮັບຜົນກະທົບໜັກສົມຄວນໃນຫລາຍດາ້ນ, ທີ່ຕິດພັນກັບບັນຫາທ້າທາຍດັ່ງກ່າວ ກໍ່ເຮັດໃຫ້ພະນັກງານ-ສະມາຊິກພັກ ຂອງພວກເຮົາພົບກັບຄວາມຫຍຸ້ງຍາກຕໍ່ການດໍາລົງຊີວິດ,ເຖິງແນວໃດກໍ່ຕາມ ຕະຫຼອດໄລຍະ 1 ປີຜ່ານມາ ພວກເຮົາກໍ່ໄດ້ສຸມໃສ່ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ເວົ້າລວມ. ເວົ້າສະເພາະ ແມ່ນມະຕິກອງປະຊຸມໃຫຍ່ຄັ້ງທີ 6 ຂອງອົງຄະນະພັກ ແລະ ແຜນພັດທະນາວຽກງານແຮງງານ ແລະ ສະຫວັດດີການສັງຄົມ 5 ປີ ຄັ້ງທີ V ດ້ວຍຄວາມຮັບຜິດຊອບສູງ, ພ້ອມກັນຈັດຕັ້ງປະຕິບັດ ແລະ ມີຜົນສຳເລັດຫຼາຍດ້ານ ທີ່ເປັນໜ້າພໍໃຈ, ຫຼາຍຕົວເລກໃນແຜນວຽກຈຸດສຸມ ແລະ ຕົວເລກຄາດໝາຍສູ້ຊົນ ມີຜົນສໍາເລັດຕາມແຜນການ, ຄາດໝາຍທີ່ໄດ້ກຳນົດໄວ້.

ພ້ອມນີ້ ສະຫາຍນເລຂາຄະນະພັກກະຊວງ ຮສສ ຍັງໄດ້ເນັ້ນໃຫ້ຄະນະບໍລິຫານງານພັກກະຊວງ ພ້ອມກັນຍົກສູງຄວາມຮັບຜິດຊອບຂອງຕົນ ປະກອບສ່ວນເຂົ້າໃນການຈັດຕັ້ງປະຕິບັດ ບັນດາໜ້າວຽກຢ່າງເປັນຈຸດສຸມ ເພີ່ມກຳລັງແຮງໃນການປະຕິບັດບັນດາຄາດໝາຍ ໃຫ້ບັນລຸຕາມແຜນການທີ່ໄດ້ກຳນົດໄວ້ຢ່າງຕັ້ງໜ້າ ບັນຫາສຳຄັນແມ່ນການປະຕິບັດຕາມ 2 ວາລະແຫ່ງຊາດ ກໍຄືການແກ້ໄຂບັນຫາເສດຖະກິດ-ການເງິນ ແລະ ການແກ້ໄຂ້ບັນຫາຢາເສບຕິດ ທີ່ຍັງກົດໜວ່ງທວ່ງດຶງການພັດທະນາຂອງປະເທດຊາດ, ຊຶ່ງມັນເປັນຄວາມຮັບຜິດຊອບທົ່ວປວງຊົນ ເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້ໃນສັງຄົມ ມີສະຖຽນລະພາບທາງດ້ານການເມືອງທີ່ໝັ້ນຄົງ ແລະ ໜັກແໜ້ນ, ສັງຄົມມີຄວາມສະຫງົບປອດໄພ, ເສດຖະກິດມີທ່າຂະຫຍາຍຕົວຢ່າງຕໍ່ເນື່ອງ ທັງນີ້ ກໍເພື່ອສ້າງເງື່ອນໄຂໃໝ່ ເຮັດໃຫ້ວຽກງານແຮງງານ ແລະ ສະຫວັດດີການສັງຄົມມີການພັດທະນາຂຶ້ນຢ່າງບໍ່ຢຸດຢັ້ງ.

ກະຊວງ ຮສສ ຈັດກອງປະຊຸມຄົບຄະນະເປີດກ້ວາງ ຄັ້ງທີ 5 ສະໄໝທີ VI ຂອງອົງຄະນະພັກກະຊວງ .

ຂ່າວສານອື່ນໆ

ຂ່າວໃໝ່

ກະຊວງ ຮສສ ຈັດກອງປະຊຸມຄົບຄະນະເປີດກ້ວາງ ຄັ້ງທີ 5 ສະໄໝທີ VI ຂອງອົງຄະນະພັກກະຊວງ .

Shares On Social

ຂ່າວສານອື່ນໆ