MOLSW NEWS

ກອງປະຊຸມ ລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນສະໄໝພິເສດ ແລະ ເວທີສໍາມະນາກ່ຽວ ກັບຄອບຄົວໃນອາຊີ

14-11-2024, 10:23 34

ກອງປະຊຸມ ລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນສະໄໝພິເສດ ແລະ ເວທີສໍາມະນາກ່ຽວ

ກັບຄອບຄົວໃນອາຊີ ໃນລະຫວ່າງວັນທີ 5-7 ພະຈິກ 2024, ທີ່ ສູນການປະຊຸມ ແລະ ວາງສະແດງສິນຄ້າ ມາລີນາເບ (Marina Bay Sand Expro & Convention Centre), ປະເທດສິງກະໂປ

https://scontent.fvte6-1.fna.fbcdn.net/v/t39.30808-6/465723175_527016143426122_5710616046063411772_n.jpg?_nc_cat=101&ccb=1-7&_nc_sid=833d8c&_nc_eui2=AeGA6JMVjc_FQmmCNGRyxK4Josgr-c07RUqiyCv5zTtFSj8RaeIrCeLOzLst7ovkdW9qipG2hzFxKeMVBTz62ALn&_nc_ohc=7geas5tJ6TsQ7kNvgF80uuE&_nc_zt=23&_nc_ht=scontent.fvte6-1.fna&_nc_gid=AIBFFuUQ9aik_D5EHF2bkDS&oh=00_AYARJTuNYMjcDs8femlQY2SkEIk70rvWN1vcqdXCMq_jNg&oe=673B3BFC

ໃນລະຫວ່າງວັນທີ 04-08 ພະຈິກ 2024, ຄະນະຜູ້ແທນ ສປປ ລາວ ຫົວໜ້າຄະນະນໍາໂດຍ ທ່ານ ລີປາວ ຢາງ ຮອງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມ ລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນສະໄໝພິເສດ ແລະ ເວທີສໍາມະນາກ່ຽວກັບຄອບຄົວໃນອາຊີ ພາຍໃຕ້ຫົວຂໍ້: ການສ້າງຄວາມເຂັ້ມແຂງຄອບຄົວອາຊີ: ໂອກາດ ແລະ ສິ່ງທ້າທາຍ “Strong and Resilient Asian Families: Challenges and Opportunities” ກອງປະຊຸມດັ່ງກ່າວ ໂດຍການເປັນເຈົ້າພາບ ແລະ ເປັນປະທານກ່າວເປີດກອງປະຊຸມໂດຍ ພະນະທ່ານ ມາຊາໂກ ຊູກີຟີ (Masagos Zulkifli) ລັດຖະມົນຕີ ກະຊວງການພັດທະນາສັງຄົມ ແລະ ຄອບຄົວ ປະເທດສິງກະໂປ ແລະ ພະນະທ່ານ ດາໂຕ ຊິລິ ລິນາ ຮາຈາ ແນນຊີ ຊູກຣີ (DATO SRI HAJAH NANCY SHUKRI), ລັດຖະມົນຕີ ກະຊວງການພັດທະນາ ແມ່ຍິງຄອບຄົວ ແລະ ຊຸມຊົນຂອງ ປະເທດມາເລເຊຍ ໃນນາມປະທານກອງປະຊຸມລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນ, ມີບັນດາທ່ານລັດຖະມົນຕີຮັບຜິດຊອບວຽກງານສະຫວັດດີການສັງຄົມ ແລະ ການພັດທະນາອາຊຽນ ປະເທດສະມາຊິກອາຊຽນ, ເລຂາທິການໃຫ່ຍອາຊຽນ, ກອງເລຂາອາຊຽນອາຊຽນ ພ້ອມດ້ວຍຄະນະ ເຈົ້າໜ້າທີ່ອາວຸໂສສະຫວັດດີການສັງຄົມບັນດາປະເທດສະມາຊິກອາຊຽນ, ອາຊຽນບວກສາມ ແລະ ຕີມໍເລດເຕໃນນາມຜູ້ສັງເກດການເຂົ້າຮ່ວມ.

ກອງປະຊຸມລັດຖະມົນຕີ ສະຫວັດດີການສັງຄົມ ແລະ ການພັດທະນາອາຊຽນສະໄໝພິເສດ ແລະ ເວທີສໍາມະນາກ່ຽວກັບຄອບຄົວໃນອາຊີໃນຄັ້ງນີ້ ເປັນປີທີ່ສໍາຄັນ, ຊຶ່ງໃນປີ 2024 ເປັນປີສະເຫຼີມສະຫຼອງຄົບຮອບ 30 ປີ ແຫ່ງວັນຄອບຄົວສາກົນ ແລະ ວັນອາສາສະມັກເພື່ອສັງຄົມ ໂດຍແມ່ນກະຊວງການພັດທະນາສັງຄົມ ແລະ ຄອບຄົວ ປະເທດສິງກະໂປ ເປັນເຈົ້າການ ແລະ ຮັບຜິດຊອບກິດຈະກໍາດັ່ງກ່າວ ໂດຍມີຈຸດປະສົງເພື່ອຍົກສູງບົດບາດຄວາມສໍາຄັນ, ຄວາມພະຍາຍາມຮ່ວມກັນຂອງອາຊຽນໃນການຮ່ວມມື, ການສະໜັບສະໜູນ ເພື່ອສ້າງຄວາມເຂັ້ມແຂງ ໃຫ້ແກ່ຄອບຄົວໃນອາຊີ ໂດຍຜ່ານການຈັດຕັ້ງຜັນຂະຫຍາຍຖະແຫຼງການອາຊຽນ ວ່າດ້ວຍຄວາມສະເໜີພາບ ຍິງ-ຊາຍ ແລະ ການພັດທະນາຄອບຄົວ ທີ່ຜູ້ນໍາອາຊຽນໄດ້ຮັບຮອງໃນກອງປະຊຸມສຸດຍອດ ຄັ້ງທີ 43 ແລະ ເປັນເວທີເພື່ອແລກປ່ຽນວິທີການໃນການສ້າງຄວາມເຂັ້ມແຂງ ແລະ ກົມກຽວໃຫ້ແກ່ຄອບຄົວໃນອາຊີ ໂດຍສະເພາະອາຊຽນໃຫ້ຫຼາຍຂຶ້ນ. ພ້ອມນີ້, ໄດ້⁠ຮ່ວມກັນປຶກສາຫາລືປະກອບຄໍາຄິດເຫັນເຂົ້າໃສ່ເອກະສານສໍາຄັນເປັນຕົ້ນ ກອບແນວຄວາມຄິດ ການຮ່ວມມືກ່ຽວກັບການສ້າງຄວາມເຂົ້າໃຈສະພາບຄອບຄົວໃນອາຊຽນ ແລະ ຮັບຮອງເອົາຖະແຫຼງການຮ່ວມຂອງລັດຖະມົນຕີສະຫວັດດີການສັງຄົມ ແລະ ການພັດທະນາສະໄໝພິເສດ ເພື່ອສ້າງຄວາມເຂົ້າໃຈສະພາບຄອບຄົວໃນອາຊຽນ.

ໃນໂອກາດເຂົ້າຮ່ວມກອງປະຊຸມໃນຄັ້ງນີ້ ສປປ ລາວ ໄດ້ມີຄໍາເຫັນ ແລະ ຕີລາຄາສູງ ຕໍ່ຜົນສໍາເລັດການເຈົ້າພາບ ແລະ ເປັນປະທານກອງປະຊຸມລັດຖະມົນຕີ ສະຫວັດດີການສັງຄົມ ແລະ ການພັດທະນາອາຊຽນສະໄໝພິເສດ ແລະ ການຈັດເວທີສໍາມະນາວຽກງານດັ່ງກ່າວເຫັນວ່າ ເປັນກອງປະຊຸທີ່ສໍາຄັນ ແລະ ປະໂຫຍດໃຫ້ແກ່ອາຊຽນກໍຄື ສປປ ລາວ, ຊຶ່ງຍາມໃດ ສປປ ລາວ ກໍໄດ້ມີຄວາມພະຍາມຮ່ວມກັນກັບພາກສ່ວນກ່ຽວຂ້ອງ ເພື່ອຍົກສູງບົດບາດຄວາມສໍາຄັນການຮ່ວມມື, ການສະໜັບສະໜູນ ເພື່ອສ້າງຄວາມເຂັ້ມແຂງການພັດທະນາສັງຄົມ, ຄອບຄົວ ແລະ ຊຸມຊົນ ໂດຍຜ່ານການຈັດຕັ້ງປະຕິບັດບັນດາໂຄງການ, ກິດຈະກໍາຕ່າງໆ ລວມທັງການເຊື່ອມສານວຽກງານ ບົດບາດຍິງ-ຊາຍ ເຂົ້າໃນນະໂຍບາຍ ແລະ ແຜນງານຕ່າງໆໃນລະດັບຊາດຂອງຕົນ ແນໃສ່ເພື່ອສົ່ງເສີມ ແລະ ປົກປ້ອງສິດທິມະນຸດ ໂດຍສະເພາະແມ່ຍິງ, ເດັກນ້ອຍ, ຄົນພິການ, ຜູ້ອາຍຸສູງ ແລະ ກຸ່ມຄົນດ້ອຍໂອກາດໃນສັງຄົມ ເພື່ອການເຂົ້າເຖິງການບໍລິການທີ່ເທົ່າທຽມກັນ ແລະ ຍົກສູງຊີວິດການເປັນຢູ່ທີ່ດີຂຶ້ນ

(ຂ່າວຄະນະຕິດຕາມ)

ກອງປະຊຸມ ລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນສະໄໝພິເສດ ແລະ ເວທີສໍາມະນາກ່ຽວ ກັບຄອບຄົວໃນອາຊີ

ຂ່າວສານອື່ນໆ

ຂ່າວໃໝ່

ກອງປະຊຸມ ລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນສະໄໝພິເສດ ແລະ ເວທີສໍາມະນາກ່ຽວ ກັບຄອບຄົວໃນອາຊີ

Shares On Social

ຂ່າວສານອື່ນໆ