MOLSW NEWS

ຄະນະກຳມະການແຮງງານແຫ່ງຊາດ ຮວ່ມກັນປຶກຫາລືການຊຸກຍູ້ສົ່ງເສີມ ແລະ ແກ້ໄຂບັນຫາແຮງງານ

04-03-2025, 12:20 73

ຄະນະກຳມະການແຮງງານແຫ່ງຊາດ ຮວ່ມກັນປຶກຫາລືການຊຸກຍູ້ສົ່ງເສີມ ແລະ ແກ້ໄຂບັນຫາແຮງງານ

.....................................

https://scontent.fvte6-1.fna.fbcdn.net/v/t39.30808-6/481664551_606193022175100_5127555340337855028_n.jpg?_nc_cat=108&ccb=1-7&_nc_sid=aa7b47&_nc_eui2=AeGdjEjvLhdl6GY3lNL-yiCBZJ9exPylOG1kn17E_KU4bfFEU8G44_rYPtmiKbQMlgN69TaTO0UDWgaCL-rx5QVp&_nc_ohc=OH0YBoqjmpoQ7kNvgFGzxvc&_nc_oc=AdiKTqaUyMYp38KsNwll2hjdnx0kVS0WFWCs-iHl1x7GLMf-nWfE3M-J8ZBWHfWvs-4&_nc_zt=23&_nc_ht=scontent.fvte6-1.fna&_nc_gid=Auj062_Lp9C141xuI09DjNh&oh=00_AYCY-ZngPGdYmO97HgYFE5XYoHMmZNKTP9U4bJNcYvs3YA&oe=67CC5876

ກອງປະຊຸມຄະນະກໍາມະການແຮງງານແຫ່ງຊາດ ຄັ້ງທີ II ໄດ້ຈັດຂື້ນໃນວັນທີ 23 ມັງ 2025 ທີ່ສະພາການຄ້າ ແລະ ອຸດສາຫະກຳແຫ່ງຊາດລາວ ໂດຍມີ ທ່ານນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທ່ານ ວິໄລ ວົງກະເສີມ ຮອງປະທານສູນກາງສະຫະພັນກໍາມະບານລາວ ແລະ ຂະແໜງການກ່ຽວຂ້ອງເຂົ້າຮ່ວມ.

ກອງປະຊຸມດັ່ງກ່າວ, ຍັງໄດ້ຮັບຟັງລາຍງານສະພາບການຈັດຕັ້ງປະຕິບັດກິດຈະກຳຕາມບົດບັນທຶກກອງປະຊຸມຄະນະກຳມະການແຮງງານແຫ່ງຊາດ ຄັ້ງທີ I ແລະ ແຜນການເຄື່ອນໄຫວໃນຕໍ່ໜ້າ; ພ້ອມນີ້, ບັນດາຜູ້ເຂົ້າຮວ່ມຍັງພ້ອມກັນໄດ້ປຶກສາຫາລືຄົ້ນຄົ້ວາ ສາມບັນຫາຫຼັກສຳຄັນດັ່ງນີ້: ການຈັດການແຂ່ງຂັນສີມືແຮງງານແຫ່ງຊາດ ຄັ້ງທີ 4 ແລະ ກະກຽມເຂົ້າຮ່ວມການແຂ່ງສີມືແຮງງານອາຊຽນ ຄັ້ງທີ 14; ການຄົ້ນຄວ້າ ປັບປຸງຄ່າແຮງງານຂັ້ນຕ່ຳສຸດ ສຳລັບ ຜູ້ອອກແຮງງານ ເພື່ອໃຫ້ແທດເໝາະກັບສະພາບເສດຖະກິດໃນປັດຈຸບັັນ; ປຶກສາຫາລືເພື່ອຮັບຮອງເອົາແຜນການຈັດຕັ້ງປະຕິບັດວຽກງານ ຂອງຄະນະກໍາມະການແຮງງານແຫ່ງຊາດ 5 ປີ 2026-2030.

ທ່ານ ນາງ ໃບຄຳ ຂັດທິຍະ ໃນນາມຕາງໜ້າລັດຖະບານ ໄດ້ກ່າວມີຄຳເຫັນວ່າ: ວຽກງານສາມຝ່າຍ ເປັນອົງການໄຕພາຄີ ໃນການຊຸກຍູ້ ສົ່ງເສີມ ແກ້ໄຂບັນຫາດ້ານແຮງງານ ແລະ ປົກປ້ອງສິດຜົນປະໂຫຍດອັນຊອບທໍາຂອງທັງຜູ້ໃຊ້ແຮງງານ ແລະ ຜູ້ອອກແຮງງານ ສະນອງແຮງງານເຂົ້າຕະຫຼາດແຮງງານ ໂດຍປະຕິບັດລະບຽບ ກົດໝາຍໃຫ້ຖືກຕ້ອງ ໄປຕາມແຕ່ລະໄລຍະຂອງການຂະຫຍາຍໂຕຂອງເສດຖະກິດ ໂດຍສະເພາະແມ່ນໃຫ້ໄດ້ຮັບການປົກປ້ອງທາງສັງຄົມເພື່ອສ້າງສາຍພົວພັນແຮງງານທີ່ດີ ໃນສະຖານທີ່ເຮັດວຽກ ແລະ ສ້າງວຽກເຮັດງານທໍາທີ່ມີຄຸນຄ່າ ແລະ ເປັນທໍາໃນ ສປປ ລາວ ໃນສະພາບເສດຖະກິດປັດຈຸບັນ ທັງຜູ້ໃຊ້ແຮງງານ ຜູ້ອອກແຮງງານ ແລະ ລັດຖະບານ ລ້ວນແລ້ວແຕ່ມີຄວາມພະຍາຍາມ ຊອກຫາວິທີທາງແກ້ໄຂບັນຫາແຮງງານເຊິ່ງທັງສາມຝ່າຍແມ່ນເຫັນໄດ້ຄວາມສໍາຄັນຂອງບັນຫາການຂາດແຄນແຮງານ ແລະ ການປະລະການສຶກສາ ເຊິ່ງມັນຮຽກຮ້ອງໃຫ້ທຸກໆພາກສ່ວນທັງສູນກາງ ແລະ ທ້ອງຖິ່ນຕ້ອງໄດ້ມີສ່ວນຮ່ວມ ໃນການຊອກຫາທາງອອກ ແລະ ແກ້ໄຂໃຫ້ໄດ້ໃນເວລາອັນຄວນ ໂດຍສະເພາະແມ່ນຄວາມຮຽກຮ້ອງຕ້ອງການຂອງຜູ້ໃຊ້ແຮງງານແນ່ນອນແມ່ນຢາກໄດ້ແຮງງານທີ່ມີຄວາມຕັ້ງໃຈ ແລະ ພັດທະນາຕົນເອງ ສາມາດເຮັດວຽກຢ່າງມີປະສິດທິພາບ ເຂັ້ມແຂງສາມາດສ້າງວຽກເຮັດງານທຳ ມີຄຸນຄ່າ ແລະ ເປັນທຳເຊິ່ງເປັນປັດໃຈທີ່ສໍາຄັນຂອງການພັດທະນາປະເທດຊາດ.

ຕອນທ້າຍ ທ່ານລັດຖະມົນຕີກະຊວງ ຮສສ ຍັງຮຽກຮ້ອງໃຫ້ບັນດາ ຄະນະກຳມະການແຮງງານແຫ່ງຊາດ ແລະ ພາກສວ່ນທີ່ກຽ່ວຂ້ອງທີ່ເຂົ້າຮວ່ມກອງປະຊຸມຄັ້ງນີ້, ຈົ່ງພ້ອມກັນສຸມສະຕິບັນຍາ, ດວ້ຍຄວາມຮູ້ ແລະ ປະສົບການຂອງບັນດາທ່ານ ພ້ອມກັນປະກອບຄຳເຫັນ ຕໍ່ສາມບັນຫາສຳຄັນນີ້ຢ່າງເລິກເຊິ່ງ ແລະມີຜົນສຳເລັດ.

ຄະນະກຳມະການແຮງງານແຫ່ງຊາດ ຮວ່ມກັນປຶກຫາລືການຊຸກຍູ້ສົ່ງເສີມ ແລະ ແກ້ໄຂບັນຫາແຮງງານ

ຂ່າວສານອື່ນໆ

ຂ່າວໃໝ່

ຄະນະກຳມະການແຮງງານແຫ່ງຊາດ ຮວ່ມກັນປຶກຫາລືການຊຸກຍູ້ສົ່ງເສີມ ແລະ ແກ້ໄຂບັນຫາແຮງງານ

Shares On Social

ຂ່າວສານອື່ນໆ