MOLSW NEWS

ສາມຝ່າຍຫາລືການຊຸກຍູ້ສົ່ງເສີມ ແລະ ແກ້ໄຂບັນຫາແຮງງານ

04-03-2025, 12:29 68

ສາມຝ່າຍຫາລືການຊຸກຍູ້ສົ່ງເສີມ ແລະ ແກ້ໄຂບັນຫາແຮງງານ

.....................................

https://scontent.fvte6-1.fna.fbcdn.net/v/t39.30808-6/481238770_606195915508144_6082647932132124179_n.jpg?_nc_cat=105&ccb=1-7&_nc_sid=aa7b47&_nc_eui2=AeF4BvAi4xNhtFcHTafWQWH5NksFZApzY-k2SwVkCnNj6em-qwrAnnT9jfwqgZebJ_H_ORsJFpro-0tIbS6HyRBs&_nc_ohc=jNo_C0j4kgAQ7kNvgFXe3bs&_nc_oc=AdhQqGf1RFvSTfIxWKU803j9MjN0oWcToxeP2vWtnvxfsA5uz4HUKrQi6O2xO0gcsQg&_nc_zt=23&_nc_ht=scontent.fvte6-1.fna&_nc_gid=Akjq7DH2ZeKXZ2K0B17cpZv&oh=00_AYApqlWBunducXHIjxEK5ZidGNuEwV461QEhkH-2oqammw&oe=67CC5747

ສະພາການຄ້າ ແລະ ອຸດສາຫະກໍາ ແຫ່ງຊາດລາວ (ສຄອຊ) ຈັດກອງປະຊຸມຄະນະກໍາມະການແຮງງານແຫ່ງຊາດ ຄັ້ງທີ II ໃນວັນທີ 23 ມັງ 2025 ທີ່ສະພາການຄ້າ ແລະ ອຸດສາຫະກຳແຫ່ງຊາດລາວ ມີທ່ານນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທ່ານ ວິໄລ ວົງກະເສີມ ຮອງປະທານສູນກາງສະຫະພັນກໍາມະບານລາວ ແລະ ຂະແໜງການກ່ຽວຂ້ອງເຂົ້າຮ່ວມ.

ທ່ານ ໄຊບັນດິດ ຣາຊະພົນ ຮອງປະທານ ສຄອຊ ກ່າວວ່າ ເພື່ອປືກສາຫາລືວຽກງານສາມຝ່າຍ ໃນການຊຸກຍູ້ ສົ່ງເສີມ ແກ້ໄຂບັນຫາດ້ານແຮງງານ ແລະ ປົກປ້ອງສິດຜົນປະໂຫຍດອັນຊອບທໍາຂອງທັງຜູ້ໃຊ້ແຮງງງານ ແລະ ຜູ້ອອກແຮງງານໃນຕະຫຼາດແຮງງານ ໂດຍປະຕິບັດລະບຽບ ກົດໝາຍໃຫ້ຖືກຕ້ອງ ໄປຕາມແຕ່ລະໄລຍະຂອງການຂະຫຍາຍໂຕຂອງເສດຖະກິດ ໂດຍສະເພາະແມ່ນໃຫ້ໄດ້ຮັບການປົກປ້ອງທາງສັງຄົມເພື່ອສ້າງສາຍພົວພັນແຮງງານທີ່ດີ ໃນສະຖານທີ່ເຮັດວຽກ ແລະ ສ້າງວຽກເຮັດງານທໍາທີ່ມີຄຸນຄ່າ ແລະ ເປັນທໍາໃນ ສປປ ລາວ ໃນສະພາບເສດຖະກິດປັດຈຸບັນ ທັງຜູ້ໃຊ້ແຮງງານ ຜູ້ອອກແຮງງານ ແລະ ລັດຖະບານ ລ້ວນແລ້ວແຕ່ພະຍາຍາມຫາທາງແກ້ໄຂບັນຫາແຮງງານເຊິ່ງທັງສາມຝ່າຍແມ່ນເຫັນໄດ້ຄວາມສໍາຄັນຂອງບັນຫາການຂາດແຄນແຮງານ ແລະ ການປະລະການສຶກສາເຊິ່ງມັນຮຽກຮ້ອງໃຫ້ທຸກໆພາກສ່ວນທັງສູນກາງ ແລະ ທ້ອງຖິ່ນຕ້ອງໄດ້ມີສ່ວນຮ່ວມ ໃນການຊອກຫາທາງອອກ ແລະ ແກ້ໄຂໃຫ້ໄດ້ໃນເວລາອັນຄວນ ໂດຍສະເພາະແມ່ນຄວາມຮຽກຮ້ອງຕ້ອງການຂອງຜູ້ໃຊ້ແຮງງານແນ່ນອນແມ່ນຢາກໄດ້ແຮງງານທີ່ມີຄວາມຕັ້ງໃຈ ແລະ ພັດທະນາຕົນເອງ ສາມາດເຮັດວຽກຢ່າງມີປະສິດທິພາບ ທຸລະກິດກໍຕ້ອງສ້າງໂຕເອງໃຫ້ເຂັ້ມແຂງສາມາດສ້າງວຽກເຮັດງານທຳ ມີຄຸນຄ່າ ແລະ ເປັນທຳເຊິ່ງເປັນປັດໃຈທີ່ສໍາຄັນເພື່ອໃຫ້ມີອາຊິບທີ່ໝັ້ນຄົງ ແລະ ຍືນຍົງ ສ່ວນຜູ້ອອກແຮງງານແນ່ນອນກໍຢາກໄດ້ສະຫວັດດີການທີ່ດີ ແລະ ມີຄວາມສຸກໃນການເຮັດວຽກໄດ້ຮັບການປົກປ້ອງ ແລະ ຜົນຕອບແທນທີ່ເໝາະສົມໃນສະຖານທີ່ເຮັດວຽກ.

ນອກຈາກນີ້ການພັດທະນາ ແລະ ສົ່ງເສີມແຮງງານນອກລະບົບກໍເປັນອີກວຽກໜຶ່ງທີ່ຕ້ອງການ ໃຫ້ມີການສ່ວນຮ່ວມພ້ອມທັງປະກອບສ່ວນໃຫ້ແຮງງານດັ່ງກ່າວໄດ້ຮັບການປົກປ້ອງ ແລະ ພັດທະນາຕົວເອງ ຫຼຸດຊ່ອງຫວ່າງຂອງບັນຫາແຮງງານທີ່ບໍ່ສອດຄອງກັບຄວາມຕ້ອງການແຮງງານ ແລະ ບັນຫາຂາດແຄນແຮງງານ ປັດຈຸບັນມີຫຼາຍໂຮງງານຈາກຕ່າງປະເທດທີ່ຊອກຫາແຫຼ່ງຜະລິດໃໝ່ທີ່ມີນະໂຍບາຍສົ່ງເສີມ ແລະ ມີຕົ້ນທຶນຕ່ໍາ ໃນນັ້ນ ສປປ ລາວເປັນປະເທດໜຶ່ງທີຢູ່ໃນເປົ້າໝາຍຂອງນັກລົງທຶນ ແຕ່ບັນຫາຄືບໍ່ມີແຮງງານສະໜອງໃຫ້ກັບຜູ້ປະກອບການ ດັ່ງນັ້ນ ຄະນະກຳມະການສາມຝ່າຍ ແລະ ພາກສ່ວນທີ່ກ່ຽວຂ້ອງຕ້ອງໄດ້ຈັບມືເປັນເອກະພາບກັນເພື່ອກໍານົດນະໂຍບາຍຍຸດທະສາດ ແລະ ວາງແຜນໃຫ້ສອດຄອງໃນການສ້າງຄວາມເຂັ້ມແຂງໃຫ້ກັບພາກທຸລະກິດ ແລະ ການສົ່ງເສີມການເຕີບໂຕຂອງທຸລະກິດແຕ່ລະຂະແໜງ.

ທ່ານ ພົງໄຊສັກ ອິນຖາລາດ, ຮອງລັດຖະມົນຕີ ກະຊວງ ຮສສໄດ້ມີຄໍາເຫັນກ່າວເປີດ ພິທີເປີດໂຕໂຄງການສ້າງຕ່ອງໂສ້ມູນຄ່າເພີ່ມທີ່ມີຄວາມຮັບຜິດຊອບໃນທະວີບອາຊີ ໂດຍຜ່ານການສົ່ງເສີມວຽກທີ່ມີຄ່າ ແລະ ເປັນທໍາໃນການດໍາເນີນທຸລະກິດ (ໄລຍະ II) ວັນທີ 20 ມັງກອນ 2025

04-03-2025, 11:27 65

ສາມຝ່າຍຫາລືການຊຸກຍູ້ສົ່ງເສີມ ແລະ ແກ້ໄຂບັນຫາແຮງງານ

ຂ່າວສານອື່ນໆ

ຂ່າວໃໝ່

ສາມຝ່າຍຫາລືການຊຸກຍູ້ສົ່ງເສີມ ແລະ ແກ້ໄຂບັນຫາແຮງງານ

Shares On Social

ຂ່າວສານອື່ນໆ