MOLSW NEWS

ລັດຖະມົນຕີກະຊວງ ຮສສ ຕ້ອນຮັບທູດ ສສ ຫວຽດນາມ ປະຈໍາ ສປປ ລາວຄົນໃໝ່

30-12-2024, 10:30 34

ລັດຖະມົນຕີກະຊວງ ຮສສ ຕ້ອນຮັບທູດ ສສ ຫວຽດນາມ ປະຈໍາ ສປປ ລາວຄົນໃໝ່

--------------------

https://scontent.fvte6-1.fna.fbcdn.net/v/t39.30808-6/471632130_558957076898695_6734909449658020845_n.jpg?_nc_cat=111&ccb=1-7&_nc_sid=833d8c&_nc_eui2=AeFUd3ikf_mjwK1Gs4TGJ5nWFBFScWTmvNsUEVJxZOa82xAHS8QXCloEjmsCUW0mbpv7AOcFiqX839KXLHoVhguz&_nc_ohc=eNcL24JGE9gQ7kNvgEq4KMs&_nc_oc=AdhrGv__NyAtojlAXDJxUB-DI3PcchMQwxiPpRLSipAeJGUQFS-XDX1bVOBvQBCrx6U&_nc_zt=23&_nc_ht=scontent.fvte6-1.fna&_nc_gid=AMIdQVHkujN_znD4HRqE7MX&oh=00_AYDOWlVHKmJ--hDsu2zHtZBFwxNKUsk5uVX1XIQw95eZFQ&oe=6777F617

ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານຫງວຽນ ມິງ ເຕີມ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ຄົນໃໝ່ ປະຈໍາ ສປປ ລາວ ພ້ອມຄະນະ; ໃນວັນທີ 24 ທັນວາ 2024ນີ້ທີ່ກະຊວງດັ່ງກ່າວ.

ທ່ານລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ສະແດງຄວາມຊົມເຊີຍຕໍ່ ທ່ານຫງວຽນ ມິງ ເຕີມ ທີ່ໄດ້ຖືກແຕ່ງຕັ້ງໃຫ້ມາດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວຄົນໃໝ່, ພ້ອມທັງສະແດງຄວາມຂອບໃຈແລະຕີລາຄາສູງຕໍ່ການພົວພັນຮ່ວມມືພາຍໃຕ້ການພົວພັນຮ່ວມມືມິດຕະພາບອັນຍິ່ງໃຫຍ່, ດ້ວຍຄວາມສາມັກຄີພິິເສດ ແລະ ການຮ່ວມມືຮອບດ້ານ ລະຫວ່າງສອງພັກ ສອງລັດ ແລະ ປະຊາຊົນສອງຊາດລາວ-ຫວຽດນາມ,ຫວຽດນາມ-ລາວໄລຍະຜ່ານມາ ກໍຄືປະຈຸບັນ ເວົ້າລວມ, ເວົ້າສະເພາະໃນຂະໜງແຮງງານ ແລະ ສະຫວັດດີການສັງຄົມ ໃນການປະກອບສ່ວນຢ່າງໃຫຍ່ຫຼວງເຂົ້າໃນການເຊື່ອມຈອດກັບພາກພື້ນ ແລະ ສາກົນທັງປະກອບສ່ວນອັນສໍາຄັນເຂົ້າໃນການຮ່ວມມືພັດທະນາຊັບພະຍາກອນມະນຸດ ໃນວຽກງານແຮງງານ: ພັດທະນາສີມືແຮງງານ, ວຽກປະກັນສັງຄົມ ແລະ ອື່ນໆ.

https://scontent.fvte6-1.fna.fbcdn.net/v/t39.30808-6/471429309_558957166898686_7995738531873190341_n.jpg?_nc_cat=101&ccb=1-7&_nc_sid=833d8c&_nc_eui2=AeHA-3tYc3_52xdTM42XY6t91viTi2fpwhTW-JOLZ-nCFGEPb25TUQir7NkH-x8ZxbT2zSl1Ims0ayRxQI7W1v9g&_nc_ohc=Bx3B3IfnQ54Q7kNvgH0I77B&_nc_oc=AdiDVCpCEW0SgXXWLSYNq0en6sSYV9lyoYVICLgQ4OswS7prKnXlf_nT7absYbgx9Eg&_nc_zt=23&_nc_ht=scontent.fvte6-1.fna&_nc_gid=AcsR2zMcehSokX6AfNDKAty&oh=00_AYAYrfsXIEsgfz2emmRJBdhaUkZHQtfrszoh5d6XWxYNBQ&oe=6777F7AE

ໃນໂອກາດນີ້, ທ່ານ ຫງວຽນ ມິງ ເຕີມ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງ ທ່ານນາງ ໃບຄຳ ຂັດທິຍະ ພ້ອມຄະນະ ແລະ ມີຄວາມປິຕິຍິນດີທີ່ຖືກມອບໝາຍໃຫ້ຈັດຕັ້ງປະຕິບັດໜ້າທີ່ອັນສູງສົ່ງ ແລະ ມີກຽດສະຫງ່າ ຂອງຕົນຢູ່ ສປປ ລາວ. ດວ້ຍມູນເຊື້ອມິດຕະພາບອັນດູດດື່ມ, ຄວາມສະໜິດສະໜົມ, ຄຳອວຍພອນໄຊອັນປະເສີດ ຖານສະຫາຍອ້າຍນ້ອງ ລາວ-ຫວຽດນາມ ມາສູ່ຄະນະພັກ, ຄະນະນຳ ແຕ່ລະຂັ້ນ ຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ທີ່ປະທານ ໂຮ່ຈິມິນ, ປະທານ ໄກສອນ ພົມວິຫານ, ປະທານ ສຸພານຸວົງ ເປັນຜູ້ກໍ່ຕັ້ງ ແລະ ໄດ້ຮັບການເພີ່ມພູນຄູນສ້າງ ຈາກບັນດາຮຸ່ນການນໍາ ແລະ ປະຊາຊົນສອງຊາດ ລາວ-ຫວຽດນາມ ສືບຕໍ່ໄດ້ຮັບການເສີມຂະຫຍາຍເຂົ້າສູ່ລວງເລິກແລະ ມີປະສິດທິຜົນ. ພ້ອມດຽວກັນນີ້, ທ່ານຫງວຽນ ມິງ ເຕີມ ຍັງຍິນດີໃຫ້ການສະໜັບສະໜູນສປປ ລາວ, ກໍຄືກະຊວງແຮງງານ ແລະ ສະຫວັດດີການສັງຄົມ ເປັນຕົ້ນການຮວ່ມມື ສອງຝ່າຍ ທາງດ້ານແຮງງານ , ການພັດທະນາສືມືແຮງງານລາວໃຫ້ມີຄຸນນະພາບ ແລະ ຊຸກຍູ້ວຽກງານປະກັນສັງຄົມຂະຫຍາຍອັດຕາປົກຄຸມໃຫ້ທົ່ວສັງຄົມ ໃຫ້ໄດ້ຮັບການພັດທະນາຍິ່ງໆຂື້ນເລື້ອຍໆ.

(ຂ່າວສານຮສສ)