ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ລັດຖະມົນຕີ ກະຊວງ ຮສສ ຕ້ອນຮັບທູດອາເມລິກາ ເຂົ້າຢ້ຽມອຳລາ.

08-01-2020, 11:39 42

ລັດຖະມົນຕີ ກະຊວງ ຮສສ ຕ້ອນຮັບທູດອາເມລິກາ ເຂົ້າຢ້ຽມອຳລາ.

IMG_0014

        ໃນວັນທີ 7 ມັງກອນ 2020 ທີ່ກະຊວງແຮງງານ ແລະ ສະຫວັດດີການສັງຄົມ (ຮສສ), ທ່ານ ປອ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ( ຮສສ )ໄດ້ໃຫ້ກຽດຕ້ອນຮັບການເຂົ້າຢ້ຽມອຳລາ ຂອງ ທ່ານ ນາງ ຣີນາ ບິດເຕີ (Rena Bitter) ເອກອັກຄະລັດຖະທູດ ແຫ່ງ ສະຫະລັດອາເມລິກາ ປະຈຳ ສປປ ລາວ ໃນໂອກາດສຳເລັດໜ້າທີ່ການທູດ ຢູ່ ສປປ ລາວ.

IMG_0041

ໃນໂອກາດດັ່ງກ່າວ, ທ່ານ ປອ ຄໍາແພງ ໄຊສົມແພງ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງ ຕໍ່ທ່ານ ນາງ Rena Bitter ທີ່ໄດ້ສຳເລັດການປະຕິບັດໜ້າທີ່ ເປັນເອກອັກຄະລັດ ຖະທູດ  ປະຈໍາ ສປປ ລາວ ໃນຄັ້ງນີ້, ເຊິ່ງເປັນການປະກອບສ່ວນອັນສໍາຄັນ ເຂົ້າໃນການຮັດແໜ້ນ  ແລະ ເສີມສ້າງສາຍພົວພັນມິດຕະພາບ ແລະ ຮ່ວມມືຊ່ວຍເຫລືອເຊິ່ງກັນ ແລະ ກັນ ລະຫວ່າງ ລາວ ແລະ ສະຫະລັດອາເມລິກາ ໃຫ້ມີບາດກ້າວຂະຫຍາຍຕົວຍິ່ງໆຂຶ້ນ.

IMG_0037

ໃນໂອກາດດຽວກັນ, ທ່ານ ນາງ Rena Bitter ກໍໄດ້ສະແດງຄວາມຂອບໃຈຕໍ່ ທ່ານ ລັດ ຖະມົນຕີ ກະຊວງ ຮສສ  ທີ່ໄດ້ຕ້ອນຮັບຢ່າງອັນອົບອຸ່ນໃນຄັ້ງນີ້, ທັງໄດ້ຂອບໃຈຕໍ່ລັດຖະບານ ແລະ ປະຊາຊົນລາວ ທີ່ໄດ້ໃຫ້ການຮ່ວມມື ໃນໄລຍະຂອງການປະຕິບັດໜ້າທີ່ການທູດຢູ່ລາວ, ເຊິ່ງໄດ້ປະ ກອບສ່ວນເສີມສ້າງສາຍພົວພັນ ແລະ ການຮ່ວມມື ລະຫວ່າງ ສະຫະລັດອາເມລິກາ ແລະ ລາວ ໃຫ້ນັບມື້ນັບຂະຫຍາຍຕົວດີຂຶ້ນເລື້ອຍໆ.

( ຂ່າວສານ ຮສສ: ເພັດສະໄໝ )

ຂ່າວສານອື່ນໆ