ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ລັດຖະບານໃຫ້ຄວາມສຳຄັນ ນໍ້າຖ້ວມພາກໃຕ້ ສັ່ງ5 ກະຊວງເຂົ້າຊ່ວຍ ແລະ ແກ້ໄຂ ທັນການ .

05-09-2019, 14:58 411

ລັດຖະບານໃຫ້ຄວາມສຳຄັນ ນໍ້າຖ້ວມພາກໃຕ້ ສັ່ງ5 ກະຊວງເຂົ້າຊ່ວຍ ແລະ ແກ້ໄຂ ທັນການ .
69989500_508259413074437_3204484466869272576_n
ນໍ້າຖ້ວມ ຢູ່ ພາກໃຕ້ ຂອງ ສປປ ລາວ ປີນີ້ຖືວ່າຮ້າຍແຮງທີ່ສຸດໃນປະຫວັດສາດ ໂດຍສະເພາະທີ່ ແຂວງສາລະວັນ ແລະ ຈຳໄປສັກ ເຊິ່ງມາຮອດຕອນແລງວັນທີ 4 ກັນຍາ 2019 ສະຖານະການຍັງຢູ່ໃນຂັ້ນວິກິດ ເຊິ່ງມີຄວາມຈຳເປັນເຖິງການຊ່ວຍເຫລືອຢ່າງຮີບດ້ວຍ.
ຕໍ່ສະພາບການດັ່ງກ່່່າວຫ້ອງວ່າການສຳນັກງາານາຍົກລັດຖະມົນຕີ ໄດ້ອອກແຈ້ງການເລກທີ1522/ຫສນ ລົງວັນທີ4 ກັນຍາ 2019 ເລືອງທິດຊີ້ນຳໃນການຮັບມືໃນການຕ້ານ ແລະ ແກ້ໄຂໄພນໍ້າຖ້ວມ.

70041156_2431980377048239_6877085313479475200_n
ອີງໃສ່ສະພາບພະຍາກອນອາກາດເກີດໂດຍມີພະຍຸດີເປຼເຊີນ ແລະ ພະໜູນເຂດຮ້ອນ (ຄາຊີຈິ) ທີ່ເກີດຂື້ນຢູ່ປະທດເພື່ອນບ້ານ ແລະ ພັດຜ່ານເຂົ້າສູ່ເຂດຕ່າງໆ ຢູ່ປະເທດ ລາວ ເລີມແຕ່ ວັນທີ 2-6 ກັນຍາ 2019 ແລະ ອີງຕາມການຊີ້ນໍາຂອງທ່ານນາຍົກລັດຖະມົນຕີ ໃນວັນທີ 3 ກັນຍາ 2019.
ຫ້ອງວ່າການສໍານັກງານນາຍົກລັດຖະມົນຕີ ຈຶ່ງໄດ້ອອກແຈ້ງການຊີ້ນໍາກອງປະຊຸມລັດຖະບານ ມາຍັງທ່ານ ຊາບ ດັ່ງນີ້: ເນື່ອງຈາກໃນໄລຍະນີ້ ໄດ້ເກີດມີສະພາບຝົນຕົກຫນັກໃນຂອບເຂດທົ່ວປະເທດ ໂດຍສະເພາະບັນດາແຂວງ ພາກໃຕ້ເຮັດໃຫ້ລະດັບນ້ຳຂອງ ແລະ ບັນດາແມ່ນໍ້າສາຂາຢູ່ເຂດພາກໃຕ້ ໄດ້ຂຶ້ນກາຍເຂດອັນຕະລາຍ ແລະ ມີທ່າອ່ຽງ ລະດັບນ້ຳຍັງຈະສືບຕໍ່ຂຶ້ນສູງຕື່ມອີກ.

70514178_371515090407812_3850104543509479424_n
ສະນັ້ນ, ຈຶ່ງໃຫ້ບັນດາກະຊວງທີ່ກ່ຽວຂ້ອງ ແລະ ທ້ອງຖິ່ນ ໃນທົ່ວປະເທດ ສຸມທຸກກໍາລັງແຮງ ເພື່ອຕ້ານ ແລະ ແກ້ໄຂໄພນໍ້າຖ້ວມ ທີ່ກໍາລັງເກີດຂຶ້ນ ໃນປະຈຸບັນ ແລະ ອາດຈະເກີດຂຶ້ນຫນັກຫນ່ວງໃນຊ່ວງລະດູຝົນນີ້, ໃຫ້ເອົາໃຈໃສ່ດັ່ງລຸ່ມນີ້:

69555490_1103996553132628_6821217942261202944_n

1. ໃຫ້ນະຄອນຫຼວງວຽງຈັນ ແລະ ບັນດາແຂວງ ໃນທົ່ວປະເທດ ມີມາດຕະການຕ່າງໆ ໃນການແກ້ໄຂໄພນໍ້າຖ້ວມ ທີ່ເກີດຂຶ້ນ ຢ່າງຮອບດ້ານ ແລະ ທັນການ, ພ້ອມນີ້ ກໍ່ໃຫ້ອອກແຈ້ງເຕືອນໄປຍັງພໍ່ແມ່ປະຊາຊົນບັນດາເຜົ່າ, ອໍານາດການປົກຄອງເມືອງ ແລະ ອົງການຈັດຕັ້ງທຸກພາກສ່ວນ ໃນຂອບເຂດທົ່ວປະເທດ ໂດຍສະເພາະບັນດາແຂວງພາກໃຕ້ ຈົ່ງມີສະຕິລະວັງຕົວ ແລະ ເປັນເຈົ້າການໃນການເກັບມ້ຽນ ແລະ ເຄື່ອນຍ້າຍວັດຖຸສິ່ງຂອງ, ສັດລ້ຽງ ໄປໄວ້ບອນສູງ ແລະ ປອດໄພ ເພື່ອໃຫ້ມີຜົນກະທົບຫນ້ອຍທີ່ສຸດ.

69672587_2431980307048246_8559417290288791552_n

2. ໃຫ້ກະຊວງແຮງງານ ແລະ ສະຫວັດດີການສັງຄົມ ສົມທົບກັບກໍາລັງປ້ອງກັນຊາດ ແລະ ປ້ອງກັນຄວາມສະຫງົບ, ທ້ອງຖິ່ນ ແລະ ພາກສ່ວນທີ່ກ່ຽວຂ້ອງລົງໄປຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບຈາກໄພນ້ຳຖ້ວມ ຢູ່ບັນດາແຂວງພາກໃຕ້ ເພື່ອແກ້ໄຂວຽກງານສຸກເສີນຮອບດ້ານ ທີ່ເກີດຂຶ້ນຍ້ອນໄພນໍ້າຖ້ວມ ໃຫ້ທັນສະພາບການ.

69697538_435450557084159_1057499129564889088_n
3. ໃຫ້ກະຊວງໂຍທາທິການ ແລະ ຂົນສົ່ງ ສົມທົບກັບບັນດາແຂວງ ຕິດຕາມ ແລະ ແກ້ໄຂສະພາບເສັ້ນທາງເປ່ເພ ຍ້ອນຜົນກະທົບຈາກໄພນ້ຳຖ້ວມ ໃຫ້ທັນການ, ເດັດຂາດ ບໍ່ໃຫ້ການສັນຈອນຖືກຕັດຂາດ.
4. ໃຫ້ກະຊວງຊັບພະຍາກອນທໍາມະຊາດ ແລະ ສິ່ງແວດລ໋ອມ ເປັນເຈົ້າການຕິດຕາມ ແລະ ເຝົ້າລະວັງສະພາບ ການປ່ຽນແປງດິນຟ້າອາກາດຢ່າງເປັນປົກກະຕິ ແລະ ໃຫ້ມີການອອກແຈ້ງເຕືອນ ແລະ ແນະນໍາປະຊາຊົນ ໃນຂົງເຂດທີ່ມີ ຄວາມສ່ຽງ ໃຫ້ມີສະຕິ ແລະ ຕິດຕາມການແຈ້ງສະພາບອາກາດ ເປັນປົກກະຕິ5. ໃຫ້ກະຊວງກະສິກໍາ ແລະ ປ່າໄມ້ ກະກຽມສະຫນັບສະຫນູນຊ່ວຍເຫຼືອທາງດ້ານເຕັກນິກວິຊາການ ແລະ ແນວພັນ ເພື່ອໃຫ້ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມ ສາມາດຟື້ນຟູການຜະລິດ ແລະ ດໍາລົງຊີວິດເປັນປົກກະຕິ.

69656000_508259326407779_598475483352399872_n
5. ໃຫ້ກະຊວງພະລັງງານ ແລະ ບໍ່ແຮ່ ຊີ້ນໍາບັນດາເຂື່ອນໄຟຟ້າ ເປັນເຈົ້າການຕິດຕາມລະດັບນໍ້າ ແລະ ບໍລິຫານ ຈັດການນໍາໃນອ່າງຂອງບັນດາເຂື່ອນຕ່າງໆ ແຕ່ຫົວທີ ເພື່ອຮັບປະກັນການປ່ອຍນໍາ ບໍ່ໃຫ້ສົ່ງຜົນກະທົບ ຕໍ່ປະຊາຊົນ.

69974320_495043451282017_75869545016852480_n

ຂ່າວສານຮສສ

ຂ່າວສານອື່ນໆ