ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ແຂວງເຊກອງ ປະຈຸບັນ ຍັງບໍ່ສາມາດປະເມີນຜົນເສຍຫາຍໄດ້.

05-09-2019, 15:03 287

69697538_435450557084159_1057499129564889088_n

ຕາມການລາຍງານ ຜົນກະທົບ ຈາກໄພພິບັດນຳ້ຖວ້ມແຂວງເຊກອງ ທີ່ ສາເຫດມາຈາກລົມພະຍຸໂພດູ ແລະ ລົມພະຍຸດີເປຣເຊີນ ຄາຈິກິ ທີ່ພັດຜ່ານເຂົ້າພາກໃຕ້ຂອງ ລາວ ເຊິ່ງ ແຂວງເຊກອງ, ປະຈຸບັນ ນໍ້າຖ້ວມ ເມືອງລະມາມ, ເມືອງກະລຶມ, ເມືອງດາກຈຶງ ແລະ ເມືອງທ່າແຕງ ໂດຍສະເພາະແມ່ນເນື້ອທີ່ການຜະລິດ, ພື້ນຖານໂຄງລາງຊົນລະປະທານ, ທີ່ຢູ່ອາໄສ, ລະບົບຕາຂ່າຍໄຟຟ້າ, ນໍ້າປະປາ ໄດ້ຮັບຜົນເສຍຫາຍ ປັດຈຸບັນ ຍັງບໍ່ສາມາດປະເມີນຜົນເສຍຫາຍໄດ້. ສະພາບຄົມມະນາຄົມ ດິນເຈື່ອນຖົ່ມທາງເມືອງດາກຈຶງ 7 ຈຸດ, ເສັ້ນທາງເຂົ້າຫາເມືອງກະລຶມຖືກຕັດຂາດ.

69416780_370922136922203_5284216736646692864_n

ໃນເບື້ອງຕົ້ນ ໄດ້ເຂົ້າຊ່ວຍກອບກູ້ເອົາປະຊາຊົນທີ່ຕົກຄ້າງຢູ່ຕາມບ້ານ, ເຮືອນ ແລະ ຖຽງນາ ພ້ອມທັງນຳໃຊ້ກົນຈັກເຂົ້າຊ່ວຍໃນການຊ້ວນດິນອອກຈາກເສັ້ນທາງ, ທໍ່ນໍ້າອຸດຕັນ. ນອກຈາກນີ້, ແຂວງຍັງໄດ້ແນະນຳໃຫ້ເມືອງກະລືມ ນຳໃຊ້ພາຫະນະ, ອຸປະກອນ ທີ່ມີຢູ່ໄປກ່ອນ ເນື່ອງຈາກບໍ່ສາມາດນຳພາຫະນະເຂົ້າໄປຊ່ວຍໄດ້ເທື່ອ, ພ້ອມນີ້ ກໍ່ໄດ້ປະສານບັນດາບໍລິສັດທີ່ຢູ່ໃກ້ເຂົ້າຊ່ວຍ ເພື່ອສ້ອມແປງເສັ້ນທາງດັ່ງກ່າວ.

69672587_2431980307048246_8559417290288791552_n

        ແຂວງເຊກອງ ປະຈຸບັນແມ່ນມີຄວາມຕ້ອງການ ດ້ານງົບປະມານໃນການບໍລິຫານປະຕິບັດການຕອບໂຕ້ສຸກເສີນ ໂດຍສະເພາະແມ່ນນໍ້າມັນ,  ເຂົ້າກິນຈໍານວນ 100 ໂຕນ, ອາຫານແຫ້ງເຊັ່ນ: ໝີ 1.000 ແກັດ, ປາກະປ໋ອງ 1.000 ແກັດ, ນໍ້າດື່ມ 1.000 ແກັດ, ເຄື່ອງໃຊ້ໃນຄົວເຮືອນເຊັ່ນ: ໝໍ້, ຖ້ວຍ, ບ່ວງ ແລະ ອື່ນໆ, ເຄື່ອງນອນ, ເຄື່ອງນຸ່ງຫົ່ມ, ພາຫະນະຮັບໃຊ້, ເຮືອ, ຍົນ ເພື່ອຂົນສົ່ງເຄື່ອງຊ່ວຍເຫຼືອເຂົ້າໄປ ເມືອງກະລຶມ ແລະ ເມືອງດາກຈຶງ (ເມືອງທີ່ເສັ້ນທາງຕັດຂາດ);

69697538_435450557084159_1057499129564889088_n

( ຂໍ້ມູນຈາກ ແຂວງເຊກອງ, ຂ່າວຮສສ: ເພັດສະໄໝ)

ຂ່າວສານອື່ນໆ