ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ລັດ​ຖະບານ ຊ່ວຍ​ເບື້ອງ​ຕົ້ນຜູ້​ປະສົບ​ໄພ 6 ​ແຂວງພາກໃຕ້ ມູນ​ຄ່າ 1,3 ຕື້​ກີບ.

09-09-2019, 10:08 147

ລັດ​ຖະບານ ຊ່ວຍ​ເບື້ອງ​ຕົ້ນຜູ້​ປະສົບ​ໄພ 6 ​ແຂວງພາກໃຕ້ ມູນ​ຄ່າ 1,3 ຕື້​ກີບ.


70443360_1106878086177808_4980962951440629760_n
ປະຈຸ​ບັນ​ໃນ​ຈຳນວນ 6 ​ແຂວງ​ພາກ​ກາງ ​ແລ​ພາກ​ໃຕ້ ທີ່​ໄດ້​ສົ່ງ​ຜົນ​ກະທົບໂດຍກົງຕໍ່ປະຊາຊົນ ໃນ 37 ເມືອງ, 1,18 ພັນບ້ານ, 1,22 ​ແສນຄອບຄົວ, 2,24 ​ແສນຄົນຖືກກະທົບ, ຊຶ່ງ​ຄວາມ​ຕ້ອງການ​ຮີບ​ດ່ວນ ຍັງ​ແມ່ນ​ເຄື່ອງ​ບໍລິ​ໂພ​ກ ​ແລະ​ອຸປະ​ໂພ​ກ, ​ເຮືອ​ສຳລັບ​ລຳລຽງ​ຜູ້​ເຄາະຮ້າຍ ​ແລະ​ເພື່ອ​ເຮັດ​ໃຫ້ການ​ແກ້​ໄຂ​ທັນ​ກັບ​ສະພາບ​ການ ກົມ​ສັງຄົມ​ສົງ​ເຄາະ ກະຊວງ​ແຮງ​ງານ ​ແລະ​ສະຫວັດດກີ​ການ​ສັງຄົມ (ຮສສ) ​ໄດ້​ຈັດ​ສົ່ງ​ເຄື່ອງ​ຂອງ​ທີ່​ຈຳ​ເປັນ ພ້ອມ​ດ້ວຍ​ເງິນສົດ​ຈຳນວນ 1,3 ຕື້​ກີບ​ໃຫ້​ກັບ 6 ​ແຂວງ​ທີ່​ໄດ້​ຮັບ​ຜົນ​ກະທົບ.

69794879_1695157613953617_1503809728415793152_n
ທ່ານ ວິ​ໄລ​ພົງ ສີ​ສົມ​ຫວັງ ວ່າການ​ຫົວໜ້າ​ກົມ​ສັງຄົມ​ສົງ​ເຄາະ ກະຊວງ ​ແຮງ​ງານ ​ແລະ​ສະຫວັດດີ​ການ​ສັງຄົມ ຖະ​ແຫຼງຂ່າວ​ຕໍ່​ສື່​ມວນ​ຊົນ ​ໃນ​ວັນ​ທີ 8 ກັນຍາ 2019, ຕໍ່ກັບ​ສະພາບ​ຜົນ​ກະທົບ ​ແລະ​ການ​​ແກ້​ໄຂ​ຊ່ວຍ​ເຫຼືອສຸກ​ເສີນ​ຢູ່​ບັນດາ​ແຂວງ​ພາກ​ກາງ ​ແລະ​ໃຕ້ ຮູ້​ວ່າ: ຈາກຜົນກະທົບຂອງອິດທິພົນຂອງລົມພະຍຸໜຸນເຂດຮ້ອນໂພດູ ແລະລົມພະຍຸດີເປຣຊັນ ທີ່ພັດຜ່ານເຂົ້າລາວ ໃນຊ່ວງທ້າຍເດືອນສິງຫາ ຫາ ຕົ້ນເດືອນ ກັນຍາ 2019 ເຮັດໃຫ້ມີຝົນຕົກໜັກ ແລະເກີດ ນໍ້າຖ້ວມ ຢູ່ 6 ແຂວງຄື: ແຂວງຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະແຂວງອັດຕະປື, ​ໄດ້ສົ່ງຜົນກະທົບໂດຍກົງຕໍ່ປະຊາຊົນ ໃນ 37 ເມືອງ, 1,18 ພັນບ້ານ, ປະຊາຊົນໄດ້ຮັບຜົນກະທົບ 1,22 ​ແສນຄອບຄົວ, 2,24 ​ແສນຄົນຖືກກະທົບ, ໃນນີ້ ມີຜູ້ເສຍຊີວິດ 10 ຄົນ (ສະຫວັນນະເຂດ 3 ຄົນ, ສາລະວັນ 2 ຄົນ ແລະຈໍາປາສັກ 5 ຄົນ), ຍົກຍ້າຍ 7,55 ພັນຄອບຄົວ (64,02 ພັນຄົນ), ບ້ານເຮືອນຂອງປະຊາຊົນຈໍານວນຫຼາຍຖືກນໍ້າຖ້ວມ, ພື້ນທີ່ການຜະລິດກະສິກໍາ ເຊັ່ນ: ເນື້ອທີ່ນາ 1,39 ​ແສນເຮັກຕາ, ສວນ 251 ​ເຮັກຕາ, ໜອງປາ 1,92 ພັນໜອງ, ສັດລ້ຽງຫຼາຍກວ່າ 300 ໂຕຖືກຍ້າຍໄປຢູ່ທີ່ປອດໄພ, ຊົນລະປະທານ 33 ແຫ່ງ, ອ່າງເກັບນໍ້າ 43 ແຫ່ງ, ຄອງເໝືອງ 64,02 ພັນແມັດ, ເສັ້ນທາງຄົມມະນາຄົມຖືກຕັດຂາດ, ໃນນີ້ຫຼາຍກວ່າ 252 ກິ​ໂລ​ແມັດ, ຂົວ 12 ແຫ່ງ ຖືກນໍ້າຖ້ວມ, ໂຮງ ຮຽນ 215 ແຫ່ງ, ໂຮງໝໍ ແລະສຸກສາລາ 10 ແຫ່ງ, ຄວາມຕ້ອງການຮີບດ່ວນ ລວມມີເຄື່ອງອຸປະໂພກ-ບໍລິໂພກ ເປັນຕົ້ນ ອາຫານ, ນໍ້າດື່ມ, ເຄື່ອງໃຊ້ຄົວເຮືອນ, ເຄື່ອງນອນ, ເຮືອພ້ອມຄົນຂັບ ແລະງົບປະມານຮັບໃຊ້, ອື່ນໆ.

69551577_1106878212844462_5923938435915055104_n
ຕໍ່ກັບສະພາບຜົນກະທົບ ແລະຄວາມເສຍຫາຍທີ່ເກີດຂຶ້ນໃນຄັ້ງນີ້, ອໍານາດການປົກຄອງ ແລະຄະນະກໍາມະການປ້ອງກັນ ແລະຄວບຄຸມໄພພິບັດຂັ້ນທ້ອງຖິ່ນ ໄດ້ປະຕິບັດໃຫ້ການຊ່ວຍເຫຼືອສຸກເສີນທັນທີ ໂດຍໄດ້ນໍາໃຊ້ກໍາລັງແຮງຂອງພະນັກງານ, ທະຫານ, ຕໍາຫຼວດ ແລະປະຊາຊົນພາຍໃນບ້ານ ປະຕິບັດການຍົກຍ້າຍ ທັງຄົນ ແລະຊັບສິນໄປບ່ອນທີ່ປອດໄພ, ຈັດສັນສະຖານທີ່ພັກເຊົາຊົ່ວຄາວ ແລະສະໜອງບັນເທົາທຸກສຸກເສີນຂັ້ນພື້ນຖານ ດ້ານເຄື່ອງອຸປະ ໂພກ-ບໍລິໂພກຄື: ອາຫານ, ນໍ້າດື່ມ, ເຄື່ອງໃຊ້ຄົວເຮືອນ, ຢາປົວພະຍາດ ​ແລະອື່ນໆ, ສະເພາະ ການຊ່ວຍເຫຼືອສຸກເສີນ ຂອງ ກະຊວງ ໃນນາມ ຄະນະກໍາມະການປ້ອງກັນ ແລະຄວບຄຸມໄພພິບັດແຫ່ງຊາດ ໂດຍໄດ້ຮັບການມອບໝາຍຂອງຂັ້ນເທິງ ກໍໄດ້ປະສານງານຢ່າງໃກ້ສິດກັບບັນດາແຂວງທີ່ຖືກກະທົບຈາກໄພພິບັດ ​ແລະໄດ້ປະຕິບັດໃຫ້ການຊ່ວຍເຫຼືອສຸກເສີນ ຕົ້ນຕໍ ໄດ້ສົມທົບກັບກອງທັບ ນໍາໃຊ້ລົດ ແລະຍົນ ເພື່ອຈັດສົ່ງພາຫະນະ, ອຸປະກອນ ແລະເຄື່ອງຊ່ວຍເຫຼືອບັນເທົາທຸກສຸກເສີນ ໄປຊ່ວຍເຫຼືອປະຊາຊົນທີ່ຖືກກະທົບຢູ່ບັນດາແຂວງ ຕົ້ນຕໍ ເຮືອກູ້ໄພ ຈຳນວນ 38 ລຳ, ເຕັ້ນຄອບຄົວ, ເຄື່ອງໃຊ້ຄົວເຮືອນ ຈຳນວນ 300 ກວ່າ​ຊຸດ, ພ້ອມ​ດ້ວຍ​ເງິນສົດ 1,3 ຕື້​ກີບໃຫ້ກັບ 6 ແຂວງ ທີ່​ໄດ້​ຮັບ​ຜົນ​ກະທົບ, ​ໃນ​ນັ້ນ​ໜັກ​ສຸດ​ແມ່ນ​ແຂວງ​ຈຳປາ​ສກ, ສາລະ​ວັນ ​ແລະ​ສະຫວັນ​ນະ​ເຂດ.

69989500_508259413074437_3204484466869272576_n
ທ່ານ ວິ​ໄລ​ພົງ ສີ​ສົມ​ຫວັງ ​ໃຫ້​ຮູ້​ອີກ​ວ່າ: ເພື່ອຮັບປະກັນໃນການປະສານງານໃຫ້ການຊ່ວຍເຫຼືອສຸກເສີນ, ກະຊວງ ຮສສ ໃນນາມປະທານ ຄະນະກໍາມະການປ້ອງກັນ ແລະຄວບຄຸມໄພພິບັດແຫ່ງຊາດ ກໍ່ໄດ້ຈັດຕັ້ງສູນປະສານງານສຸກເສີນຂຶ້ນຢູ່ ກົມສັງຄົມສົງເຄາະ ກະຊວງ ຮສສ ​ແລະໄດ້ອອກແຈ້ງການລະດົມບໍລິຈາກນໍາສັງຄົມຜ່ານສື່ມວນຊົນ ຊຶ່ງຈະເລີ່ມປະຕິບັດແຕ່ວັນທີ 7 ກັນຍາ 2019 ເປັນຕົ້ນໄປ, ພ້ອມທັງ ໄດ້ອອກແຈ້ງການເຖິງບັນດາແຂວງ ເພື່ອຈັດຕັ້ງສູນປະ ສານງານຊ່ວຍເຫຼືອສຸກເສີນຢູ່ຂັ້ນແຂວງ ແລະເມືອງ ເພື່ອປະຕິບັດໃຫ້ການຊ່ວຍເຫຼືອສຸກເສີນ.

70041156_2431980377048239_6877085313479475200_n

( ຂ່າວສານ ຮສສ : ເພັດສະໄໝ)

ຂ່າວສານອື່ນໆ