ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ໜວ່ຍພັກຫ້ອງການກະຊວງ ເລື່ອນສະມາຊິກພັກສຳຮອງ ຂຶ້ນເປັນສະມາ ຊິກພັກສົມບູນ 3 ສະຫາຍ.

27-08-2019, 11:47 475

ໜວ່ຍພັກຫ້ອງການກະຊວງ ເລື່ອນສະມາຊິກພັກສຳຮອງ ຂຶ້ນເປັນສະມາ ຊິກພັກສົມບູນ 3 ສະຫາຍ.

IMG_4843

ໜວ່ຍພັກຫ້ອງການກະຊວງແຮງງານ ແລະ ສະຫວັດດີການສັງຄົມ (ຮສສ) ຈັດພິທີເລື່ອນສະມາຊິກພັກສຳຮອງ ຂຶ້ນເປັນສະມາ ຊິກພັກສົມບູນ ຊຶ່ງ ພິທີດັ່ງກ່າວຈັດຂຶ້ນໃນຕອນແລງ ວັນທີ 26 ສິງຫາ 2019ນີ້, ທີ່ກະຊວງແຮງງານ ແລະ ສະຫວັດດີການສັງຄົມ (ຮສສ)  ໂດຍໄດ້ຮັບກຽດການເຂົ້າຮ່ວມເປັນປະທານຂອງ ສະຫາຍ ລີປ່າວ ຢ່າງ ເລຂາໜວ່ຍພັກຫ້ອງການ, ມີບັນດາ ຄະນະໜວ່ຍພັກຫ້ອງການ, ຕ່າງໜ້າຈາກກົມຈັດຕັ້ງ ແລະ ພະນັກງານ, ຕາງໜ້າກົມກວດກາ ແລະ ພ້ອມດວ້ຍສະມາຊິກພັກພາຍໃນຫ້ອງການເຂົ້າຮວ່ມ.

IMG_4860

ໂອກາດນີ້, ສະຫາຍ ວິໄລ ນັນທະສອນ ຄະນະຈັດຕັ້ງພິທີ, ໄດ້ຂຶ້ນຜ່ານມະຕິຕົກລົງຂອງອົງຄະນະພັກ ຣສສ ວ່າດ້ວຍການເຫັນດີອະນຸມັດເລື່ອນ ສະມາຊິກພັກສຳຮອງຂຶ້ນເປັນສະມາຊິກພັກສົມບູນ ຈຳນວນ 3 ສະຫາຍ, ຍິງ 2 ສະຫາຍ, ຊຶ່ງບັນດາສະຫາຍທັງໝົດລ້ວນແລ້ວແຕ່ ເປັນຜູ້ທີ່ມີຄວາມຫ້າວຫັນໃນການປະຕິບັດ ໜ້າທີ່ວຽກງານ, ມີທັດສະນະຫຼັກໝັ້ນທາງດ້ານການເມືອງ, ແນວຄິດອຸ່ນ ອຽນທຸ່ນທ່ຽງ, ຄວາມສາມັກຄີ, ຕັ້ງໜ້າຝຶກຝົນຫຼໍ່ຫຼອມຕົນເອງປະກອບສ່ວນເຂົ້າໃນວຽກງານ ຕາມມາດຖານ ແລະ ເງຶ່ອນໄຂຕາມກົດລະບຽບ ພັກປະຊາຊົນ ປະຕິວັດລາວ.

IMG_4858

ໂອກາດດັ່ງກ່າວ, ສະຫາຍ ເລຂາໜວ່ຍພັກຫ້ອງການ ໄດ້ໃຫ້ກຽດໂອ້ລົມ ແລະ ມີຄຳເຫັນ: ຍ້ອງຍໍຊົມເຊີຍຕໍ່ສະມາຊິກພັກໃໝ່ ແລະ ສະແດງຄວາມຍິນດີຮັບ ເອົາບັນດາສະຫາຍເຂົ້າເປັນສະມາຊິກພັກສົມບູນ ຂອງ ໜວ່ຍພັກຫ້ອງການກະຊວງ, ພ້ອມນີ້ຍັງໄດ້ໃຫ້ຄຳເຫັນຕໍ່ສະມາຊິກພັກທັງເກົ່າ ແລະ ໃໝ່ ຈົ່ງເພີ່ມທະວີຄວາມຮັບຜິດຊອບຕໍ່ໜ້າວຽກຂອງຕົນ, ມີສະຕິຕໍ່ການຈັດຕັ້ງສູງ, ຢຶດ ໝັ້ນ ແລະ ເປັນເອກະພາບຕໍ່ແນວທາງນະໂຍບາຍຂອງພັກ-ລັດ, ປະກອບສ່ວນນໍາຄວາມຮູ້ ຄວາມສາມາດຂອງຕົນ ເຂົ້າໃນວຽກງານທີ່ການຈັດຕັ້ງມອບໝາຍໃຫ້, ສືບ ຕໍ່ຍົກລະດັບຄວາມຮູ້ຄວາມສາມາດຂອງຕົນ ເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ ເວົ້າລວມ, ເວົ້າສະເພາະແມ່ນ ວຽກງານແຮງງານ ແລະ ສະຫວັດີການສັງຄົມ, ກໍຄືວຽກງານຫ້ອງການ ໃຫ້ນັບມື້ນັບຈະເລີນກ້າວໜ້າໄປເລື້ອຍໆ.

IMG_4840

ຕອນທ້າຍ ສະຫາຍຍັງໄດ້ຮຽກຮ້ອງໃຫ້ບັນດາສະມາຊິພັກທຸກສະຫາຍ ສືບຕໍ່ຍົກລະດັບຄວາມຮູ້, ຄວາມສາມາດທາງດ້ານວິຊາການໃໝ່ໆ ເພື່ອຮອງຮັບວຽກງານທີ່ ອົງຄະນະພັກກະຊວງ ມອບໝາຍໃຫ້ໄດ້ຮັບຜົນສຳເລັດ ແລະ ມີໝາກຜົນສູງສຸດ, ສືບຕໍ່ເສີມຂະຫຍາຍບັນດາຜົນງານ ແລະ ຈຸດດີໃນໄລຍະຜ່ານມາ ເພື່ອສ້າງເປັນຜົນງານໃຫ້ໂດດເດັ່ນ ແລະ ໄດ້ຮັບຜົນສຳເລັດຢ່າງສະຫງ່າງາມເພື່ອຕ້ອນຮັບກອງ ປະຊຸມໃຫຍ່ຂອງອົງຄະນະພັກກະຊວງ ຮສສ ທີ່ໃກ້ຈະມາຮອດນີ້, ພ້ອມທັງເປັນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກໃຫ້ປະກົດຜົນເປັນຈິງ./

( ຂ່າວ ຮສສ: ເພັດສະໄໝ )

ຂ່າວສານອື່ນໆ