ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ຮວ່ມກັນ ສ້າງຄູ່ມືຕາໜ່າງປົກປ້ອງເດັກຂັ້ນບ້ານ ໂຄສະນາຜ່ານໂທລະໂຄ່ງບ້ານ.

30-07-2019, 14:59 175

ຮວ່ມກັນ ສ້າງຄູ່ມືຕາໜ່າງປົກ​ປ້ອງ​ເດັກຂັ້ນບ້ານ ໂຄສະນາຜ່ານໂທລະໂຄ່ງບ້ານ.

IMG_3352

ຍາມ​ໃດ ພັກ-​ລັດ​ເຮົາ, ​ກໍ່​ໃຫ້​ຄວາມ​ສຳຄັນ ​ແລະ ​ເອົາ​ໃຈ​ໃສ່​ຕໍ່ວຽກງານປົກ​ປ້ອງ ​ແລະ ​ຊ່ວຍ​ເຫຼືອ​ເດັກ, ໂດຍ​ສະ​ເພາະວຽກງານ​ປົກ​ປ້ອງ​ຕາໜ່າງ​ເດັກ​ຂັ້ນບ້ານ ຖື​ວ່າ​ເປັນວຽກງານໜຶ່ງທີ່​ສໍາ​ຄັນໃນຂອບເຂດທົ່ວປະເທດ. ໃນະຫວ່າງ ວັນທີ 23- 26 ກໍລະກົດ 2019ນີ້, ທີ່ທ່າລາດ, ແຂວງວຽງຈັນ. ໄດ້ມີກອງປະຊຸມປັບປຸງຄູ່ມືວຽກງານຕາໜ່າງປົກ​ປ້ອງ​ເດັກ ໂຄສະນາທາງໂທລະໂຄ່ງບ້ານ ແລະ ພ້ອມທັງສ້າງຄວາມເຂັ້ມແຂງໃຫ້ກັບຄະນະຈຸດປະສານງານຂັ້ນບ້ານ, ໂດຍການເປັນປະທານຂອງທ່ານ ວົງຄຳ ວັນທານຸວົງ ຮອງກົມສັງຄົມສົງເຄາະ ກະຊວງ ຮສສ, ມີບັນດາຄະນະຈຸດປະສານງານຕາໜ່າງປົກ​ປ້ອງ​ເດັກຂັ້ນນະຄອນຫຼວງ,ເມືອງ, ບ້ານ, ພ້ອມພາກສວ່ນກຽ່ວຂ້ອງ ແລະ ວິຊາການກົມສັງຄົມສົງເຄາະ ຈຳນວນໜຶ່ງເຂົ້າຮວ່ມ.

IMG_3413

ວຽກງານ​​ຕາໜ່າງປົກປ້ອງ​ເດັກ​ ແລະ ຊວ່ຍເຫຼືອເດັກ ເປັນວຽກງານໜຶ່ງທີ່​ສໍາ​ຄັນ​ຊຶ່ງ​ໄດ້​ລິ​ເລີ່​ມມາ​ແຕ່​ປີ 2004 ​ເປັນ​ຕົ້ນ​ມາ, ຮອດ​ປັດຈຸບັນ​ໄດ້​ມີ​ບ້ານຕາໜ່າງປົກ​ປ້ອງ​ເດັກ ​ຈຳນວນພັນກວ່າບ້ານ ໃນ​ຂອບເຂດທົ່ວປະເທດ, ວຽກງານງານດັ່ງກ່າວ ໂດຍໄດ້ຮັບທຶນສະໜັບສະໜູນຈາກ ອົງການ UNICEF . ພ້ອມນີ້, ວຽກ​ງານ​ຕາໜ່າງປົກ​ປ້ອງ​ເດັກ​ຈັດ​ຕັ້ງ​ຂຶ້ນ​ມາ​ເພື່ອ​​ສ້າງ​ຄວາມ​ເຂັ້ມ​ແຂງ​ໃຫ້ກັບ ພະນັກງານ​ເຮັດ​ວຽກງານ​ປົ​ກປ້ອງ ແລະ ຊ່ວຍ​ເຫຼືອ​ເດັກ ໃນການໂຄສະນາເຜີຍແຜ່,​ ຕິດຕາມ, ປະ​ເມີນ​ສະພາບ​ຂອງ​ເດັກ ທີ່​ຕ້ອງການ​ປົກ​ປ້ອງ​ພິ​ເສດ, ກອບ​ກູ້​ເອົາ​ເດັກ​ຜູ້​ຖືກ​ເຄາະ​ຮ້າ​ຍ, ຟື້ນຟູ​ພັດທະນາ​ເດັກ​ຄືນ​ສູ່​ຄອບຄົວ ແລະ ສັງຄົມ, ເນື້ອໃນທີ່ນຳມາປັບປຸງໃນຄັ້ງນີ້ ລວມມີ 24 ບົດ, ເວົ້າເຖິງບັນດາລະບຽບກົດໝາຍ ທີ່ຕິດພັນໃນການປົກປ້ອງ ຄຸ້ມຄອງເດັກ, ການ​ໃຊ້ຄວາມ​ຮຸນ​ແຮງ​ຕໍ່​ເດັກ, ສິດ​ໃນ​ການ​ພັດທະນາຂອງເດັກ ໃນແຕ່ລະໄລຍະ ທາງດ້ານອາລົມ,​ຮ່າງກາຍ, ​ຈິດໃຈ ແລະ ມັນສະໝອງ , ສິດ​​ໃນ​ການ​ມີ​ສ່ວນ​ຮ່ວມຂອງ​ເດັກ ໃນດ້ານຕ່າງໆ, ການ​ປົກ​ປ້ອງ​ເດັກ​ ຈາກຄວາມ​ຮຸນ​ແຮງ, ​ກາ​ນປ່ອຍປະ​ລະ​ເລີຍ, ​ກາ​ນຂູດ​ຮີດ ​ແລະ ​ການ​ຖືກ​ກະທຳ​​ແບບ​ໄຮ້​ມະນຸດສະທຳ​, ຖືກຫຼອກ ​ແລະ ການ​ຊັກ​ຊວນ​ເອົາ​ເດັກ​ໄປ​ເຮັດວຽກ, ​ເຮັດ​ສິ່ງ​ຜິດ​ກົດໝາຍ, ​ສືກສາອົບຮົມ​ເດັກ​ແບບ​ສ້າງສັນ, ໃຫ້ເດັກຮູ້ເຖິງຜົນຮ້າຍ ຫຼີກ​ເວັ້ນການ​ຕົກ​ເປັນ​ຜູ້​ເຄາະ​ຮ້າຍ​ຈາກ​າ​ນຄ້າ​ມະນຸ​ດ ຫຼື ຖືກຫຼອກ​ລວງໄປ​ຂາຍ​ແຮງ​ງານ,  ​ແລະ ບໍລິການ​ທາງ​ເພດ ຕ່າງໆ.

IMG_3353

ກອງປະຊຸມຄັ້ງນີ້, ຜູ້ເຂົ້າຮ່ວມທັງໝົດໄດ້ພ້ອມກັນຄົ້ນຄວ້າ ແລະ ປະກອບຄຳເຫັນ ໃສ່ວຽກງານດັ່ງກ່າວ ໃຫ້ເປັນຂໍ້ມູນ ສ້າງສັນ ເພື່ອນຳໄປຈັດຕັ້ງປະຕິບັດເກີດປະໂຫຍດສູງສຸດ./

IMG_3368

( ຂ່າວຮສສ: ເພັດສະໄໝ )

ຂ່າວສານອື່ນໆ