ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ສ້າງຄວາມເຂັ້ມແຂງ ວຽກງານບໍລິຫານຫ້ອງການ ຂະແໜງ ຮສສ ປະຈຳປີ 2019 ໃຫ້ ພະນັກງານ-ລັດຖະກອນ 3 ແຂວງພາກເໜືອ.

19-08-2019, 11:54 92

ສ້າງຄວາມເຂັ້ມແຂງ ວຽກງານບໍລິຫານຫ້ອງການ ຂະແໜງ ຮສສ ປະຈຳປີ 2019 ໃຫ້ ພະນັກງານ-ລັດຖະກອນ 3 ແຂວງພາກເໜືອ.

69281273_1092945954237688_2378403625526362112_n

ໃນລະຫວ່າງວັນທີ 14-15 ສິງຫາ 2019 ໄດ້ມີກອງປະຊຸມຝຶກອົບຮົມວຽກງານບໍລິຫານຫ້ອງການ ຂະແໜງ ຮສສ ປະຈຳປີ 2019 ຢູ່ແຂວງໄຊຍະບູລີ. ໂດຍການເປັນປະທານຮ່ວມຂອງ ທ່ານ ວິໄລ ນັນທະສອນ ຮອງຫົວໜ້າຫ້ອງການ ກະຊວງ ຮສສ ແລະ ທ່ານ ນ. ແພງຈັນ ແກ້ວມະນີວົງ ຫົວໜ້າພະແນກ ຮສສ ແຂວງ ໄຊຍະບູລີ, ມີພະນັກງານ-ລັດຖະກອນ ມາຈາກພະແນກ ຮສສ ແຂວງ, ຫ້ອງການ ຮສສ ເມືອງ ອ້ອມຂ້າງ 3 ແຂວງ (ຫຼວງພະບາງ, ວຽງຈັນ, ໄຊຍະບູລີ) ຈຳນວນ 90 ກວ່າທ່ານເຂົ້າຮ່ວມ.

68728838_1092945590904391_7433853498996817920_n
ຊຸດຝຶກອົບຮົມຄັ້ງນີ້ ແມ່ນເພື່ອຍົກລະດັບ ຮູ້ຄວາມສາມາດ ໃຫ້ແກ່ ພະນັກງານ-ລັດຖະກອນ ຂອງຂະແໜງ ຮສສ ໃຫ້ມີຄວາມຮູ້ພື້ນຖານ ຕໍ່ກັບການອຳນວຍຄວາມສະດວກໃນດ້ານຕ່າງໆ ໃຫ້ແກ່ການນຳ, ຂະແໜງການອ້ອມຂ້າງເປັນຕົ້ນ: ການເກັບມ້ຽນ-ສຳເນົາເອກະສານ, ການຮ່າງເອກະສານທາງການ, ການເກັບກຳຂ່າວ-ຂຽນຂ່າວ, ການເງິນ-ການບັນຊີ ເພື່ອຮັບປະກັນບໍ່ໃຫ້ຕົກເຮ່ຍເສຍຫາຍ, ເຊິ່ງອັນນີ້ຈະເປັນສ່ວນໜຶ່ງທີ່ສຳຄັນປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາວຽກງານແຮງງານ ແລະ ສະຫວັດດີການສັງຄົມ 5 ປີ ຄັ້ງທີ 4 ໄລຍະແຕ່ປີ 2016-2020 ໃຫ້ປະກົດຜົນເປັນຈິງເທື່ອລະກ້າວ.

68544923_1092945580904392_7148785326876524544_n
ທ່ານ ວິໄລ ນັນທະສອນ ກ່າວວ່າ: ຊຸດຝຶກອົບຮົມໃນຄັ້ງນີ້ ແມ່ນມີຄວາມໝາຍ ຄວາມສຳຄັນຫຼາຍເພາະວຽກບໍລິຫານຫ້ອງການ ນັ້ນເປັນວຽກທີ່ບັນດາກະຊວງ, ກົມກອງ, ຂະແໜງການ, ໜ່ວຍງານຕ່າງໆ ໄດ້ນຳໃຊ້ເຂົ້າໃນວຽກງານປະຈຳວັນ, ໂດຍສະເພາະແມ່ນຫ້ອງການທີ່ປະຕິບັດໜ້າທີ່ ໃນຖານະເປັນເສນາທິການ ແລະ ເປັນຜູ້ປະສານງານ, ບໍລິຫານ-ບໍລິການ ເປັນໃຈກາງປະສານງານ ລະຫວ່າງຂັ້ນລຸ່ມກັບຂັ້ນເທິງ, ຂັ້ນເທິງກັບຂັ້ນລຸ່ມ ເຜີຍແຜ່ຂໍ້ມູນຂ່າວສານການເຄື່ອນໄຫວວຽກງານໃຫ້ມີຄວາມຄ່ອງຕົວ ແລະ ໄດ້ຮັບຜົນສຳເລັດ, ເພື່ອຮັບປະກັນເຮັດໃຫ້ການດຳເນີນບັ້ນຝຶກອົບຮົມດັ່ງກ່າວ ບັນລຸຜົນສຳເລັດຕາມຈຸດປະສົງ ແລະ ລະດັບຄາດໝາຍ ທີ່ວ່າງໄວ້ນັ້ນ, ທ່ານ ຮອງຫົວໜ້າຫ້ອງການກະຊວງ ຮສສ ໄດ້ຮຽກຮ້ອງມາຍັງນັກສຳມະນາກອນຈົ່ງເອົາໃຈໃສ່ ຕິດຕາມຮັບຟັງການສິດສອນ, ເອົາໃຈໃສ່ປະກອບຄຳຄິດຄຳເຫັນແລກປ່ຽນບົດຮຽນ ທີ່ດີຮ່ວມກັນ ເພື່ອເປັນບົດຮຽນ ນຳໄປໝູນໃຊ້ເຂົ້າສູ່ວຽກງານຕົວຈິງ ໃນຕໍ່ໜ້າ./

69416009_1092948580904092_7706567794690621440_n

(ພາບ-ຂ່າວ: ພະແນກຂໍ້ມູນຂ່າວສານ ແລະ ເຕັກໂນໂລຊີ ກະຊວງ ຮສສ)

ຂ່າວສານອື່ນໆ