ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ຫລາຍພາກສວ່ນ ມອບເຄື່ອງອຸປະໂພກ-ບໍລິໂພກ ແລະ ເງິນ ເພື່ອຊ່ວຍຜູ້ປະສົບໄພນ້ຳຖ້ວມ.

28-09-2019, 13:37 341

ຫລາຍພາກສວ່ນ ມອບເຄື່ອງອຸປະໂພກ-ບໍລິໂພກ ແລະ ເງິນ ເພື່ອຊ່ວຍຜູ້ປະສົບໄພນ້ຳຖ້ວມ.

70815236_1121384674727149_6960841414884196352_n
ເພື່ອຕອບສະໜອງຕາມຄວາມຕ້ອງການ ແລະທັງເປັນການຊ່ວຍເຫຼືອບັນເທົາທຸກໃຫ້ກັບຜູ້ປະສົບໄພນ້ຳຖ້ວມ ໃນ 6 ແຂວງ ພາກກາງ ແລະ ພາກໃຕ້, , ຊຶ່ງອັນນີ້ເປັນສິນນ້ຳໃຈ ແລະຄວາມເປັນຫ່ວງເປັນໄຍຈາກບັນດາພະນັງງານ, ນັກທຸລະກິດ, ພໍ່ແມ່ປະຊາຊົນຊາວຄ້າຂາຍ ເພື່ອປະກອບສ່ວນໃນການຊ່ວຍເຫຼືອຜູ້ປະສົບໄພນ້ຳຖ້ວມ ໂດຍສະເພາະແມ່ນ ຜູ້ທີ່ກຳລັງໄດ້ຮັບຄວາມເດືອນຮ້ອນ ກໍຄື ຜູ້ທີ່ກຳລັງຂາດແຄນເຂົ້າກິນຢູ່ໃນປະຈຸບັນ ຈຶ່ງໄດ້ນຳມາມອບໃຫ້ກະຊວງ ເພື່ອໃຫ້ກະຊວງຈັດສັນແບ່ງປັນໃຫ້ຮອດໃຫ້ເຖິງປະຊາຊົນທີ່ໄດ້ຮັບຜົນກະທົບທຸກຄົນ.

71173028_1121384654727151_8613609250599469056_n
ວັນທີ 26 ກັນຍາ 2019, ຫ້ອງວ່າການປະທານປະເທດ ໄດ້ນຳເອົາເຂົ້າສານ ຈຳ ນວນ 2 ໂຕນ ເປັນເງິນຈຳນວນ 15 ລ້ານກີບ ມາມອບໃຫ້ກັບກະຊວງແຮງງານ ແລະສະຫວັດດີການສັງຄົມ (ຮສສ), ຕາງໜ້າມອບແມ່ນທ່ານ ເພັດສະໝອນ ພັນທະວົງ ຮອງລັດຖະມົນຕີ, ຮອງຫົວໜ້າຫ້ອງວ່າການປະທານປະເທດ, ທ່ານ ເພັດສະໝອນ ພັນທະວົງ ແລະ ໃນວັນທີ 27 ກັນຍາ2019ນີ້, ໄດ້ມີອີກ ສອງພາກສວ່ນ ຄື: ທ່ານ ສຸລະສັກ ໃຈເຢັນ, ຄະນະບໍລິຫານງານ ບໍລິສັດ ເມືອງໂຂງ ຄຣີນ ເອເນີຈີ ຈໍາກັດ ມອບເງີນ ຈຳນວນ 5 ແສນບາດ ແລະ ທ່ານ ນ. ວັນເພັງ ໄຊຊົມພູ ຕາງໜ້າ

72142125_1121384884727128_1750708122449608704_n
ຄະນະສະພັນແມ່ຍິງ ກະຊວງການຕ່າງປະເທດ ມາມອບເງິນຊ່ວຍເຫລືອ ຈຳນວນ 26 ລ້ານກີບ.ແລະ ກ່າວຮັບໂດຍທ່ານ ຄຳແພງ ໄຊສົມແພງ ລັດຖະມົນຕີກະຊວງ ຮສສ, ທັງເປັນປະທານຄະນະກຳມະການປ້ອງກັນ ແລະຄວບຄຸມໄພພິບັດແຫ່ງຊາດ, ພ້ອມນັ້ນ ຄະນະເຂົ້າຮ່ວມ.

71600470_1121384861393797_4401567216055615488_n
ທ່ານ ຄຳແພງ ໄຊສົມແພງ ກ່າວວ່າ: ສຳລັບ ເຄື່ອງຊ່ວຍເຫຼືອໄພພິບັດທີ່ລະດົມໄດ້ໃນປີນີ້ ຈາກບັນດາພາກສ່ວນຕ່າງໆ ເປັນຕົ້ນ ພາກລັດ, ພາກເອກະຊົນ, ສ່ວນບຸກຄົນ ຫຼື ຈາກບັນດາອົງການຈັດຕັ້ງສາກົນອື່ນໆ ທີ່ນຳມາມອບໃຫ້ກະຊວງນັ້ນ ກະຊວງກໍໄດ້ປະຕິບັດຕາມທິດຊີ້ນຳຂອງທ່ານນາຍົກລັດຖະມົນຕີໃຫ້ນຳເອົາໄປແຈກຢາຍໃຫ້ກັບຜູ້ປະສົບໄພທັງໝົດບໍ່ໃຫ້ເກັບໄວ້ໃນສາງ ເປັນຕົ້ນແມ່ນ ເຂົ້າ, ເຄື່ອງບໍລິໂພກ-ອຸປະໂພກຕ່າງໆ ຕະຫຼອດຮອດເງິນຄຳທີ່ໄດ້ແມ່ນໃຫ້ຈັດສັນໃຫ້ກັບບັນດາແຂວງທີ່ໄດ້ຮັບຜົນກະທົບ ໂດຍໃຫ້ແບ່ງສັນປັນສ່ວນຕວາມຄວາມເໝາະສົມ ແລະຄວາມເສຍຫາຍຕົວຈິງ, ແຕ່ສຳລັບເຂົ້າກິນ ຍັງເປັນສິ່ງຈຳເປັນຫຼາຍສຳລັບຜູ້ປະສົບໄພນ້ຳຖ້ວມໃນ 6 ແຂວງຂອງພາກກາງ ແລະພາກໃຕ້ ເນື່ອງຈາກວ່າເນື້ອທີ່ທຳການຜະລິດໄດ້ຮັບຄວາມເສຍຫາຍຢ່າງໜັກສົມຄວນ, ລວມທັງເລົ້າເຂົ້າຂອງປະຊາຊົນກໍຖືກຖ້ວມ, ສະນັ້ນ ສິ່ງທີ່ພວກເຂົາຕ້ອງການຫຼາຍກວ່າໝູ່ຍັງແມ່ນເຂົ້າກິນ./

( ຂ່າວສານ ຮສສ: ເພັດສະໄໝ )

ຂ່າວສານອື່ນໆ