ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ສສຂ ເຂດ 15 ແຂວງຈຳປາສັກ ສືບຕໍ່ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີ VIII

12-08-2019, 21:46 100

ລັດຖະບານ ມອບ​​​ເຂົ້າ-ເຄື່ອງ​ຊ່ວຍ​ເຫລືອ​ຜູ້​ປະສົບ​ໄພພິບັດ 4 ແຂວງ​ພາກ​ໃຕ້ .

IMG_4227

ໃນ​ ປີ 2019 ນີ້, ກະ​ຊວງ​ແຮງ​ງານ ​ແລະ ສະຫວັດດີ​ການ​ສັງ​ຄົມ ​ໄດ້​ຮັບ​ການ​ອະນຸມັດ​ຈາກ ລັດຖະບານ ​ແຫ່ງ ສປປ ລາວ ​ແລະ ລັດຖະບານ​ຍີ່ປຸ່ນ ​ໃນ​ການຈັດ​ຕັ້ງ​ປະຕິບັດ​ໂຄງການຄັງ​ແຮ​ເຂົ້າ​ຊ່ວຍ​ເຫລືອ​ຜູ້​ປະສົບ​ໄພພິບັດ ປີ 2018 ​ໃນ​ຂອບ​ເຂດ​ທົ່ວ​ປະ​ເທດ ພາຍ​ໃຕ້​ກອງ​ທຶນ​ເພື່ອ​ຮ່ວມ​ງານ KR1, ສະ​ນັ້ນ, ​ໃນ​ໂອກາດລົງ​ເຄື່ນ​ໄຫວ​ວຽກ​ງານ​ແຮງ​ງານ ​ແລະ ສະຫວັດ​ດີ​ການ​ສັງຄົມ ຢູ່​ບັນດາ​ແຂວງ​ພາກໃຕ້ ​ໃນ​ລະຫວ່າງວັນ​ທີ 5-9 ສີງຫາ 2019ນີ້, ທີ່​ພະແນກແຮງງານ ແລະສະຫວັດດີການແຂວງ​ , ທ່ານ ນ. ໃບຄຳ ຂັດທິຍະ ຮອງລັດຖະມົນຕີ ກະ​ຊວງ​ແຮງ​ງານ ​ແລະ ສະຫວັດດີ​ການ​ສັງ​ຄົມ ​ພ້ອມຄະນະ, ໄດ້​ຕາງໜ້າ​ລັດຖະບານ ມອບ​ເຄື່ອງ​ຊ່ວຍ​ເຫລືອ​ໃຫ້​ແກ່​ປະຊາຊົນ​ຜູ້​ປະສົບ​ໄພພິບັດ ຢູ ່​ແຂວງບໍລິຄຳໄຊ, ຄຳມວ່ນ, ສະຫວັນນະເຂດ ແລະ ​ນະຄອນຈຳປາສັກ ລວມມູນ​ຄ່າ 4 ຕື້ ກວ່າ​ກີບ, ​ເຊິ່ງຕາງໜ້າ​ຮັບ​ໂດຍ ທ່ານ​ເຈົ້າ​ແຂວງ ​ແລະ ຮອງ​ເຈົ້າ​ແຂວງ​ທັງ 4 ​ແຂວງ​ດັ່ງກ່າວ ພ້ອມຄະນະ ພະແນກແຮງງານ ຮສສ ແຂວງ ກ່າວຮັບ .

IMG_4161
​ເຄື່ອງ​ຊ່ວຍ​ເຫລືອ​ທີ່​ນຳ​ມາ​ມອບ​ໃນ​ຄັ້ງ​ນີ້ ປະ​ກອບ​ມີ: ​ມອບໃຫ້ປະຊາຊົນແຂວງ ບໍລິຄຳໄຊ ເຂົ້າສານໜ່ຽວ ຈາກກອງທຶນເພື່ອນຮ່ວມງານ KR1 ຈຳນວນ 149.040 ກິລາ ລວມມູນຄ່າ 1 ຕື້ກວ່າກີບ ; ເຄື່ອງນຸ່ງຫົມ ແລະ ເກີບ ຈາກ ສ.ເກົາຫຼີ ຈຳນວນ 100 ແກັດ ມູນຄ່າ 150 ລ້ານກີບ . ແຂວງ ຄຳມວນ ເຂົ້າສານໜ່ຽວ 100.000 ກິໂລ ມູນຄ່າ 805 ລ້ານກວ່າກີບ .ແຂວງ ສະຫວັນນະເຂດ ເຂົ້າສານໜ່ຽວ 81.576 ກິໂລ ມູນຄ່າ 656 ລ້ານກວ່າກີບ ເຄື່ອງນຸ່ງຫົ່ມ ແລະ ເກີບ ຈຳນວນ ແກັດ ມູນຄ່າ 150 ລ້ານກີບ ແລະ ຈຳປາສັກ ເຂົ້າສານໜ່ຽວ 100.000 ກິໂລ ມູນຄ່າ 805 ລ້ານກວ່າກີບ ແລະ ເຄື່ອງນຸ່ງຫົ່ມ ແລະ ເກີບ 100 ແກັດ ມູນຄາ 150 ລ້ານກີບ .

IMG_4141
ໂອກາດດັ່ງກ່າວ ທ່ານ ນ. ໃບຄຳ ຂັດທິຍະ ຍັງໄດ້ເນັ້ນໃຫ້ ບັນດາແຂວງ ກໍຄຶຂະແໜງການກຽ່ວຂ້ອງ ໃຫ້ຮີບຮ້ອນແຈກຍ້າຍໃຫ້ທົ່ວເຖິງກູ່ມເປົ້າໝາຍ ,ໂດຍສະເພາະ ແມ່ນຄອບຄົວ ທີ່ຖຶກຜົນກະທົບຈາກໄພພິບັດ, ຄອບຄົວ ທຸກຍາກ, ດອຍໂອກາດ ຕ່າງໆ ນຳອີກ. /

IMG_4237

(ຂ່າວ-ພາບ ຮຮສ: ນ. ເພັດສະໄໝ )

ຂ່າວສານອື່ນໆ