ເບີໂທລະສັບ: +85621 2130 03/2227 77, ອີເມວ: suthanu1974@gmail.com

ອົງຄະນະພັກກະຊວງ ຮສສ ດຳເນີນກອງປະຊຸມຄົບຄະນະບໍລິຫານງານພັກ ຄັ້ງທີ 5 ສະໄໝທີ V.

31-07-2019, 17:11 297

ອົງຄະນະພັກກະຊວງ ຮສສ ດຳເນີນກອງປະຊຸມຄົບຄະນະບໍລິຫານງານພັກ ຄັ້ງທີ 5 ສະໄໝທີ V.

IMG_3507

ກອງປະຊຸມຄົບຄະນະບໍລິຫານງານພັກເປີດກວ້າງ ອົງຄະນະພັກກະຊວງແຮງງານ ແລະ ສະຫວັດດີການສັງຄົມ ( ຮສສ ) ຄັ້ງທີ 5 ສະໄໝທີ V  ປະຈຳ 6 ເດືອນຕົ້ນປີ ໃນວັນທີ 31 ກໍລະກົດ 2019ນີ້, ທີ່ກະຊວງແຮງງານ ແລະ ສະຫວັດດີການສັງຄົມ( ຮສສ)  ໂດຍການເປັນປະທານຂອງ ສະຫາຍ ຄຳແພງ ໄຊສົມແພງ ເລຂາຄະນະພັກກະຊວງແຮງງານ ແລະ ສະຫວັດດີການສັງຄົມ( ຮສສ) ,  ສະຫາຍ ນ. ໃບຄຳ ຂັດທິຍະ ຮອງເລຂາຄະນະພັກກະຊວງ, ມີບັນດາຄະນະພັກກະຊວງ, ຄະນະພັກຮາກຖານ, ເລຂາໜວ່ຍພັກ ແລະ ພ້ອມດວ້ຍສະມະຊິກພັກເຂົ້າຮ່ວມ.

IMG_3532
 ກອງປະຊຸມຄັ້ງນີ້ ສະຫາຍ ຄຳຂານ ພິນສະຫວັນ ຄະນະປະຈຳພັກກະຊວງ ໄດ້ຜ່ານ ຮ່າງ ບົດສະຫຼຸບຕີລາຄາກ່ຽວກັບສະພາບການຊີ້ນຳ-ນຳພາພັດທະນາ ໃນເຄື່ອນໄຫວວຽກງານຮອບດ້ານຂອງອົງຄະນະພັກກະຊວງ ຮສສ 6 ເດືອນຕົ້ນປີ , ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII, ແຜນພັດທະນາວຽກງານ ຮສສ 5 ປີ ຄັ້ງທີ່ IV  ງົບປະມານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019 ຂອງອົງຄະນະພັກກະຊວງ ຮສສ. ພ້ອມນີ້ບັນດາຜູ້ແທນ ໄດ້ພ້ອມກັນຄົ້ນຄວ້າ ແລະ ປະກອບຄຳເຫັນໃສ່ ຕໍ່ຮ່າງບົດສະຫຼຸບການຊີ້ນຳໆພາ ວຽກງານອົງຄະນະພັກກະຊວງ ຮສສ

IMG_3525

ວຽກ 3 ອົງການຈັດຕັ້ງມະຫາຊົນ ໂດຍຕິດພັນກັບການຈັດຕັ້ງປະຕິບັດເນື້ອໃນແຂ່ງຂັນ “ ຮັກຊາດ ແລະ ພັດທະນາ ” ຊຸກຍູ້ວຽກງານສາມສ້າງໃນຂະແໜງ ຮສສ ຢ່າງເປັນຂະບວນກວ້າງຂວາງ, ແຂງແຮງ ແລະ ມີຜົນສຳເລັດ, ພ້ອມທັງປຶກສາຫາລື ຄັດເລືອກບຸກຄະລາກອນ ປະກອບເຂົ້າໃນ 3 ອົງການຈັດຕັ້ງມະຫາຊົນ ນຳອີກ.

IMG_3526

ກອງປະຊຸມດັ່ງກ່າວ ຍັງຈະໄດ້ຮັບຟັງການລາຍງານ ຊີ້ແຈງບາງບັນຫາສຳຄັນທີ່ ພົ້ນເດັ່ນ ຂອງບັນດາພະແນກການຂອງ ກະຊວງ ຮສສ ຈຳນວນໜຶ່ງ ໃນການຄຸ້ມຄອງບໍລິຫານລັດຄຸ້ມຄອງເສດຖະກິດ-ສັງຄົມ ຊຶ່ງຈະໄດ້ ນຳມາສະເໜີໃນກອງປະຊຸມ. ພ້ອມນີ້ ຜູ້ແທນເຂົ້າຮ່ວມຍັງໄດ້ຍົກສູງຄວາມຮັບຜິດຊອບການເມືອງຂອງຕົນ, ສຸມທຸກສະຕິປັນຍາ, ຄວາມຮູ້ຄວາມສາມາດ ໃນການຄົ້ນຄວ້າ ແລະ ປະກອບຄໍາເຫັນ ຢ່າງຖີ່ຖ້ວນ, ມີຈຸດສຸມ ແລະ ຮັບປະກັນຄວາມຖືກຕ້ອງ ຕາມລະບຽບກົດໝາຍ ກ້າວໄປເຖິງການຕົກລົງຮັບຮອງເອົາບັນດາບັນຫາສໍາຄັນພື້ນຖານ ຂອງແຂວງ ໃຫ້ບັນລຸຕາມຄາດໝາຍທີ່ວາງໄວ້ໃຫ້ມີຄຸນນະພາບ ແລະ ສາມາດນຳໄປຈັດຕັ້ງປະຕິບັດຢ່າງມີປະສິດທິຜົນ./

 (ຂ່າວຮສສ: ເພັດສະໄໝ ພິມມະສອນ)

 

ຂ່າວສານອື່ນໆ