ເບີໂທລະສັບ: +85621 2130 03/2227 77, ອີເມວ: suthanu1974@gmail.com

test

09-01-2019, 11:19 372

ສືບຕໍ່ສ້າງແຜນແກ້ໄຂຄົນຕ່າງປະເທດ ທີ່ເຄື່ອນໄຫວ ບໍ່ຖືກຕ້ອງຕາມກົດໝາຍຂອງ ສປປ ລາວ
-------------------------
ກອງ​ປະ​ຊຸມ​ທົ່ວ​ປະ​ເທດ ປຶກ​ສາ​ຫາ​ລື​ກ່ຽວ​ກັບ ແຜນ​ສືບ​ຕໍ່​ແກ້​ໄຂຄົນ​ຕ່າງ​ປະ​ເທດ ​ທີ່​ເຄື່ອນ​ໄຫວ ບໍ່​ຖືກ​ຕ້ອງ​ຕາມ​ ຂອງ ສ​ປ​ປ ລາວ ໄດ້​ປິດ​ລົງ​ດ້ວຍ​ຜົນ​ສຳ​ເລັດ ໃນ​ວັນ​ທີ 8 ມັງ​ກອນ 2019, ໂດຍການເປັນ​ປະ​ທານ ຂອງທ່ານ ຄຳ​ແພງ ໄຊ​ສົມ​ແພງ ລັດ​ຖະ​ມົນ​ຕີ ກະ​ຊວງ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ແລະ ທ່ານ ພົນ​ຕີ ສິນທະ​ວົງ ໄຊ​ຍະ​ກອນ ຮອງ​ລັດ​ຖະ​ມົນ​ຕີ ກະ​ຊວງ​ປ້ອງ​ກັນຄວາມ​ສະ​ຫງົບ, ເປັນ​ກຽດ​ເຂົ້າ​ຮ່ວມ ​ຂອງ ທ່ານ ສອນ​ໄຊ ສີ​ພັນ​ດອນ ຮອງ​ນາ​ຍົກ​ລັດ​ຖະ​ມົນ​ຕີ, ມີ​ຄະ​ນະ​ນຳ​ບັນ​ດາ​ກະ​ຊວງ, ພະ​ແນກ​ແຮງ​ງານ​ ສະ​ຫວັດ​ດີ​ການ​ແຂວງ ແລະ ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.
ກອງ​ປະ​ຊຸມ​ໃນ​ຄັ້ງ​ນີ້, ​ໄດ້​ປຶກສາ​ຫາລື​​ ໃນ​ຫລາຍ​ບັນຫາທີ່​ພົ້ນ​ເດັ່ນ ​ເປັນ​ຕົ້ນ ​​ການ​ອຳນວຍ​ຄວາມ​ສະ​ດວກ ໃນ​ການ​ຂຶ້ນ​ທະ​ບຽນ ແລະ ອອກ​ບັດ​ອະ​ນຸ​ຍາດເຄື່ອນ​ໄຫວ​ຊົ່ວ​ຄາວ ໃຫ້​ຄົນ​ຕ່າງ​ປະ​ເທດ ທີ່​ເຄື່ອນ​ໄຫວ ບໍ່​ຖືກ​ຕ້ອງ​ຕາມ​ກົດ​ໝາຍ ​ຢູ່ ສ​ປ​ປ ລາວ. ພ້ອມ​ນັ້ນ​, ກໍ​ໄດ້​ກຳ​ນົດ​ແຜນ​ ຈັດ​ຕັ້ງ​ປະ​ຕິ​ບັດ​ໃນ​ຕໍ່​ໜ້າ ໂດຍ​ສ້າງ​ແຜນ​ສືບ​ຕໍ່​ ການ​ແກ້​ໄຂຄົນ​ຕ່າງ​ປະ​ເທດ ທີ່​ເຄື່ອນ​ໄຫວ​ບໍ່​ຖືກ​ຕ້ອງ ນັບ​ແຕ່ຕົ້ນ ​ປີ 2019 ​ເປັນ​ຕົ້ນ​ໄປ, ​ເຊິ່ງເນື້ອ​ໃນ​ຕົ້ນ​ຕໍ​ຂອງ​ແຜນ ແມ່ນ​ໃຫ້​ແຕ່​ລະ​ຂະ​ແໜງ​ການ ເພີ່ມ​ທະ​ວີ​ຄວາມ​ຮັບ​ຜິດ​ຊອບ ໃນ​ການ​ນຳ​ເອົາ​ກົດ​ໝາຍ, ລະ​ບຽບ​ການ​ ຂອງ​ຂະ​ແໜງ​ການ​ກ່ຽວ​ຂ້ອງ​ ໄປ​ຈັດ​ຕັ້ງ​ປະ​ຕິ​ບັດ ໃຫ້​ປະ​ກົດ​ຜົນ​ເປັນ​ຈິງ, ເໝາະ​ກັບ​ສະ​ພາບ​ເງື່ອນ​ໄຂ​ຕົວ​ຈິງ.
ໃນໂອກາດດັ່ງກ່າວ, ທ່ານ ສອນ​ໄຊ ສີ​ພັນ​ດອນ ກໍໄດ້​ໃຫ້​ກຽດ​ໂອ້​ລົມ, ໂດຍ​ເນັ້ນ​​ໃຫ້​ພາກສ່ວນ​ກ່ຽວຂ້ອງ ​ນຳ​ເອົາ​ກົດ​ໝາຍ ​ລະ​ບຽບ​ການ​ທີ່​ມີ​ຢູ່ ເຂົ້າເຖິງ​ກຸ່ມ​ຄົນ​ເປົ້າ​ໝາຍທີ່​ກ່ຽວ​ຂ້ອງ​ ກັບ​ການຄຸ້ມ​ຄອງ​ຄົນ​ຕ່າງ​ປະ​ເທດ ໃຫ້​ໄດ້​ຢ່າງ​ທົ່ວ​ເຖິງ​ທັນ​ກັບ​ເວ​ລາ, ຕ້ອງ​ເຮັດ​ໃຫ້​ສັງ​ຄົມ ທັງ​ພາຍ​ໃນ ແລະ ສາ​ກົນ ຮັບ​ຮູ້ເຂົ້າໃຈ​ຢ່າງ​ເລີກເຊິ່ງ ຕໍ່​ແນວ​ທາງ​ຕ່າງ​ປະ​ເທດ​ຂອງ​ພັກ, ເ​ຂົ້າໃຈ​ເຖິງ​ຄວາມ​ຈຳ​ເປັນ ​ໃນ​ການ​ແກ້​ໄຂບັນ​ຫາ ທີ່​ເປັນ​ປະ​ກົດ​ການ​ຫຍໍ້​ທໍ້ ເພື່​ອສ້າງ​ເງື່ອນ​ໄຂ ໃຫ້ສ​ປ​ປ ລາວ ເຊື່ອມ​ໂຍງ​ພາກ​ພື້ນ ແລະ ສາ​ກົນ. ​ຄຽງ​ຄູ່ກັນ​ນັ້ນ, ທຸກ​ຂະ​ແໜງ​ການ, ອົງ​ການ​ທ້ອງ​ຖິ່ນ​ທຸກ​ຂັ້ນ ຕ້ອງ​ເພີ່ມ​ທະ​ວີ​ຄວາມ​ຮັບ​ຜິດ​ຊອບ ຕໍ່​ພັກ, ລັດ ແລະ ຕໍ່​ປະ​ເທດ​ຊາດ ໃນ​ການ​ບັງ​ຄັບ​ໃຊ້ ແລະ ປະ​ຕິ​ບັດ​ຕາມ​ກົດ​ໝາຍ, ​ລະ​ບຽບ​ການ ທີ່​ມີ​ຢູ່​ຂະ ​ແໜງ​ການ ແລະ ທ້ອງ​ຖິ່ນ​ຕົນ ກ່ຽວ​ກັບ​ການ​ຄຸ້ມ​ຄອງ ຄົນ​ຕ່າງ​ປະ​ເທດ​ຢ່າງ​ເຂັ້ມ​ງວດ ແລະ ເອົາ​ໃຈ​ໃສ່​ຄຸ້ມ​ຄອງກວດ​ກາ ການ​ນຳ​ໃຊ້​ແຮງ​ງານ​ຕ່າງ​ປະ​ເທດ ​ຢູ່​ບັນ​ດາໂຄງ​ການ ລວມ​ທັງ​ເຂດ​ເສ​ດ​ສະ​ກິດ​ສະ​ເພາະ ແລະ ເສດ​ຖະ​ກິດ​ພິ​ເສດ ໂດຍ​ໃຫ້​ສົມ​ທົບ​ກັບ​ພາກ​ສ່ວນ ​ທີ່​ເປັນ​ເຈົ້າ​ຂອງ​ໂຄງ​ການ, ໃຫ້​ປຶກ​ສາ​ຫາ​ລື ແລະ ພ້ອມ​ກັນ​ຫັນ​ເຂົ້າ​ສູ່ ການ​ນຳ​ໃຊ້ແຮງ​ງານ​ ຖືກ​ຕ້ອງ​ຕາມ​ກົດ​ໝາຍ ແລະ ລະ​ບຽບ​ການ.Department of Planning and Cooperation Description (1)
ພາບ-ຂ່າວ: ເພັດສະໄໝ

ຂ່າວສານອື່ນໆ